web counter
LEXO PA REKLAMA!

SHKARKO APP

App Store
Google Play

E fundit!

x

Të financuara nga mafia e inceneratorëve?/ Veliaj i kundërpërgjigjet Metës: Sondazhet e shpallin njeriun më të urryer

25 Prill 2023, 17:34, Politikë CNA

Të financuara nga mafia e inceneratorëve?/ Veliaj i

Kandidati i PS-së për Bashkinë e Tiranës, Erion Veliaj, ka zhvilluar një takim me banorët e Njësisë 4 në kryeqytet, ndërsa tha se zona e njohur si ‘Bregu i Lumit’, sot është kartolina më e bukur, që tregon se çfarë mund të bëjnë socialistët kur vihen në krye të punëve.

Për koalicionin e çiftit Berisha-Meta, Veliaj tha se non-gratat dhe fuksat e lagjes, që nuk ndërtuan dot një shkollë, një kopsht apo një çerdhe, nuk mund të bëjnë dot lagje të tëra, siç bën Partia Socialiste e Shqipërisë.

Më tej ai u shpreh se teksa të gjitha sondazhet e shpallin Partinë Socialiste fituese, për Ilir Metën thonë se është njeriu më i urryer në Shqipëri duke iu kundërpërgjigjur kështu akuzave të këtij të fundit se sondazhet janë të financuara nga mafia e inceneratorëve.

"Jemi në një situatë ku, Bregu i Lumit dhe 5 Maji, nuk është fundi i botës. Në fakt me urën e re që e lidh me Kamzën, është hyrja për botën që përfaqëson Tirana, është fillimi i civilizimit, i qytetarisë, i urbanizimit. Kjo është diferenca e madhe. Kemi sot një kryeministër që e respektojnë të gjithë. Kemi sot një Shqipëri që është anëtare e Këshillit të Sigurimit. Ndërkohë, mbrapa, kemi njërin që nuk shkon dot deri në Rinas. Çdokush mund të shkojë në Rinas, përveçse nëse e ke emrin Sali Berisha. Këta nuk na çojnë dot deri në Rinas, do na çojnë këta në Bruksel dhe në Uashington? Është bashkuar Saliu me fuksin e lagjes, me sigurimsin, me atë 2-lekëshin që spiunonte njerëzit kur vinin antena, spiunonte shokët kur shanin te radha e tollonit. Të gjitha sondazhet për Ilir Metën thonë që është njeriu më i urryer sot. Dhe për sa kohë që janë bërë bashkë njerëzit që i kanë bërë më shumë keq Shqipërisë, sot edhe demokratët duhet të bashkohen me ne për të shkuar vetëm përpara. Miq ata kishin në dorë jo vetëm Tiranën, e kishin në dorë ata t’i bënin gjërat falas. Ju kujtohet çfarë bënë falas? Ju kujtohet torta e Pavarësisë, me legenë, me govatë, me kaci, me sapllakë? Ajo ishte mënyra sesi këta tregonin ku ka mbërritur Shqipëria 100 vjet shtet. Ndërkohë, për ne Shqipëria është më shumë se kaq, nuk është një tortë falas që na fëlliq të gjithëve. Është një arsim cilësor, është një çerdhe, është një kopsht, është një shkollë”, tha Veliaj./CNA.al

 





Lajmet e fundit nga