E fundit!

11:40 Aktualitet

Fluksi i sezonit turistik/ Hita njofton masat shtesë në Aeroportin e Rinasit

Drejtori i Përgjithshëm i Policisë së Shtetit, Skënder Hit...

"Ky pushtet kërcënon këdo që i vihet përballë"/ Mediu: Socialistët mendojnë se shqiptarët janë në shitje

25 Prill 2023, 08:49, Politikë CNA

Kreu i Partisë Republikane, Fatmir Mediu

Kreu i Partisë Republikane, Fatmir Mediu, gjatë takimit elektoral në Devoll ka deklaruar se pushteti i Ramës po kërcënon këdo që i vihet përballë dhe se socilistët mendojnë se shqiptarët janë në shitje.

Sipas Mediut, pluralizmi politik është zëvendesuar me pazarin politik dhe diferenca e ideve është zëvendësuar me sharjen dhe fyerjen.

Më tej thekson se, qeveria po shkon përpara në interesat e saj, por duke lënë mbrapa shqiptarët pa shpresë, që zvarriten në pamundësinë për të ndërtuar lumturinë e tyre, mbrojtur liritë dhe të drejtat e tyre, ata dhunohen çdo ditë, skandali zëvendëson skandalin, e keqja është bërë dominante, hajdutëria shihet si vlerë, sharlatanizmi si kualitet, e mira dhe njerëzorja shihen si dobësi.

“Pushteti po përdor çdo mënyrë për t'i imponuar dhe kontrolluar zgjedhjet.

Ky pushtet kërcënon këdo që i vihet përballë:

-Duke kërcënuar për largim nga puna

-Duke kërcënuar për shkatërrim biznesi

-Duke kërcënuar për grabitje prone

Duke të ofruar për të blerë votën dhe nderin, të ardhmen e fëmijëve tuaj

Socialistët mendojnë se shqiptarët janë në shitje, është në shitje, jeta, liria dhe dinjiteti ynë.

Shumë nga frika si asnjëherë tjetër druhen të dalin hapur, disa të tjerë nga frika e varfërisë dhe pushtetit, apo zelli i korrupsionit bëjnë presion dhe shesin gjithcka.

Pluralizmi politik është zëvendesuar me pazarin politik.

Diferenca e ideve është zëvendesuar me sharjen dhe fyerjen.

Qeveria shkon përpara në interesat e saj, por duke lënë mbrapa shqiptarët pa shpresë, që zvarriten në pamundësinë për të ndërtuar lumturinë e tyre, mbrojtur liritë dhe të drejtat e tyre, ata dhunohen çdo ditë, skandali zëvendëson skandalin, e keqja është bërë dominante, hajdutëria shihet si vlerë, sharlatanizmi si kualitet, e mira dhe njerëzorja shihen si dobësi.

Shkelmoni të keqen që ju pengon, respektoni të mirën që ju vlen. Tregoni që jeni, dini dhe bëni ndryshimin. Shihni te njerëzit e politikës, njerëzit e gabueshëm, shihni brenda jush dëshirën e pagabueshme të dashurisë dhe lumturisë.

Të ngremë lart rolin tonë si individ, të mbrojmë familjen si themeli i shoqërisë sonë, të vendosim drejtësinë mbi pronën”, është shprehur Mediu./CNA.al