web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi- Dhunohet punonjësi i bashkisë Patos/ Nuk pranoi të japë 10 emra si votues të PS-së

25 Prill 2023, 17:15, Politikë CNA

Denoncimi- Dhunohet punonjësi i bashkisë Patos/ Nuk pranoi të

Drejtuesi politik i qarkut të Fierit, Luan Baçi ka denoncuar dhunimin e një punonjësi të bashkisë së Patosit, Pato Dalipaj nga përgjegjësi i ndërmarrjes, Petrit Pëllumbi.

Baçi ka deklaruar se persona që mbështesin Partinë Socialiste i kanë kërkuar Dalipajt që të plotësonte një formular ku të shkruante emrat e familjarëve që do të votonin për PS-në.

Baçi theksoi se Dalipaj nuk ka pranuar që të shkruajë emrat e familjarëve dhe ëeshtëb goditur nga Pëllumbi.

“Kryeministri duhet të heqë dorë nga presionet dhe shantazhi, duhet s’del vete kryeministri po dalin të vegjlit e kryeministrit. Jemi në mes të fushatës dhe situata do agravojnë. Edi Rama e di që do të humbë se nuk ia voton njeri kandidatët problematikë dhe do që t’i marrë bashkitë me dhunë. I bëj thirrje OSBE/ ODIHR që të jetë në terren për të vëzhguar situatën”, tha Baci ndër të tjera./

Policia ka reaguar nëpërmjet një njoftimi zyrtar duke u shprehur se po merret dëshmia e Petrit Pëllumbit lidhur me rrethanat e ngjarjes.

"Rreth orës 16:10, shtetasi B. D., 55 vjeç (punonjës i ndërmarrjes së komunales, bashkia Patos), është paraqitur në Komisariatin e Policisë Fier, për të bërë kallëzim, duke pretenduar se në ambientet e punës, eprori i tij, shtetasi P. P. ka ushtruar dhunë fizike ndaj tij, për shkak nuk ka pranuar të plotësojë një formular.

Specialistët për Hetimin e Krimeve të Komisariatit të Policisë Fier kanë njoftuar menjëherë Prokurorinë pranë Gjykatës së Rrethit Gjyqësor Fier, dhe në prani të oficerëve të Policisë Gjyqësore, shtetasit B. D. po i merret dëshmia në lidhje me rrethanat e ngjarjes, si dhe po kryhen të gjitha veprimet procedurale.

Ndërkohë, vijojnë veprimet hetimore për sqarimin e plotë të rrethanave të këtij rasti. Në përfundim të veprimeve procedurale, materialet hetimore do t'i referohen Prokurorisë pranë Gjykatës së Rrethit Gjyqësor Fier", shkruhet në njoftimin e saj./CNA.al

 





Lajmet e fundit nga