E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

Tallja e sorosianëve me kandidatët në lista

14 Mars 2025, 08:52, Politikë CNA

Dy sorosianët, Adriatik Lapaj dhe Endrit Shabani, janë bërë bashkë për zgjedhjet e 11 majit.

Dy ditë më parë u dorëzuan listat me kandidatë në KQZ, ku u vu re se në listën e tyre të mbyllur për kandidatë kanë vendosur familjarët e tyre, një tallje kjo me opinionin publik, pasi strategjia e tyre nuk është gara, por sigurimi i fitores së tyre.

Kështu skenari është i qartë, që dy sorosianët kanë frikë të garojnë duke treguar se janë tejzgjatja e sistemit të vjetër politik.

Vetë Lapaj deklaroi se listat e mbyllura të Nismës “Shqipëria Bëhet” janë të përbëra nga prindërit dhe familjarë të kandidatëve si garanci për listat e hapura.

“Listat e mbyllura te Nismës Shqipëria Bëhet janë të përbëra nga prindërit dhe familjarë të kandidatëve si garanci për listat e hapura.

Të gjithë anëtarët e kryesive të koalicionit tonë garojnë në listë të hapur, përfshirë dhe kryetarët.

Lista e hapur do të thotë që nuk ka rëndësi renditja e kandidatit. Në fund renditja do të bëhet sipas votave që merr secili.Ecim!”, deklaronte Lapaj.

Të njëjtën gjë ka pranuar dhe Shabani i paguar nga Soros. I ftuar në emisionin "Opinion" me Blendi Fevizun, Shabani tha se para se të fillojë numërimi i votave familjarët e tyre do të japin dorëheqjen dhe vendi i sigurt në këtë mënyrë i kalon atij.

“Ne kemi dalë në listë të hapur. Çdo njeri, përfshirë unë, Adriatik Lapaj, Pano Soko, do të renditen në bazë të votave që marrin personale.

E vetmja zgjidhje që kishim, prandaj kemi vendosur edhe familjarë, që t’i hapin rrugën brezit të ri. Ne kemi 80-vjeçarë që do t'i hapin rrugën brezit të ri.

Ata do të japin dorëheqjen para se të fillojë numërimi i votave. Unë jam vetë në fund të listës. Ne kemi dalë në listë të hapur ballazi me votuesit. 12 të parët do shkojnë të tërhiqen nga mandati pa problem”, u shpreh Endri Shabani.

Kjo është një tallje që bëhet nga dy sorosianët që pretendojnë se janë fryma e re, por me skenare të politikës së vjetër./ CNA