web counter
LEXO PA REKLAMA!

SHKARKO APP

App Store
Google Play

Superskandalet e “bolit” të Edi Ramës

20 Prill 2026, 11:15, Politikë REDAKSIONALE

CNA, jo pa qëllim, e ka kujtuar shpesh Blendi Gonxhen, nënkryetar i bashkisë së kryeqytetit, në kohën kur Tirana u përmbyt. Miliona euro dëme. Portat e liqenit artificial u hapën. Një skandal që iu faturua disa rojave. Blendi Gonxhja dha dorëheqjen dhe më pas iku që të harrohej.

Superskandalet e “bolit” të Edi Ramës
Në foto: Blendi Gonxhe në vitet si nënkryetar i Bashkisë Tiranë

Iku dhe shkoi në Greqi, ku zhvilloi një agjenci autobusësh, në të cilën është aksioner. Një shërbim i transportit publik, që është në emër të bashkëshortes. Mendoi se do të harrohej historia e tij duke ikur në Greqi, por edhe atje e vazhdoi punën në mbështetje të Edi Ramës, duke i vënë në dispozicion autobusë dhe e përkrahu.

Superskandalet e “bolit” të Edi Ramës
Gonxhja, në një dalje pas mbledhjes së kabinetit

Me ardhjen e socialistëve në pushtet, u rikthye në Shqipëri. Fillimisht e lanë rrugëve, në detyra “periferike”. Më pas, një ditë, ish-nënkryetari i Bashkisë së Tiranës që u përmbyt, u bë drejtor i Përgjithshëm i Shërbimit të Transportit Rrugor.

Filluan tenderët, filluan avazet, filluan investimet e qyfyret. Por, filloi edhe “trashja e qafës” së Blendi Gonxhes. Jo vetëm nga shëndeti, se është bërë një “bol”, siç quhet në gjuhën popullore, por edhe në anët e tjera, përtej asaj fizike.

Një ditë, Blendi Gonxja gdhihet si ministër i Ekonomisë, Kulturës dhe Inovacionit. Në një ministri, ku Edi Rama nuk do ta mbante gjatë. Një “superministri”! Pati jo pak akuza për Agjencinë e Blerjeve të Përqendruara në dorën e Gonxhes.

Më tej, bie “superministria”, si një dështim i shpejtë dhe Blendi Gonxhja mbetet ministër i Turizmit, Kulturës dhe Sportit, por vazhdon të ketë të njëjtën trashje, jo si “bol” në dhjamosje, por në filozofinë e tij të pushtetarit, duke menduar se është harruar skandali i përmbytjes së Tiranës. Duke menduar se njerëzit nuk shohin dhe nuk kuptojnë.

Superskandalet e “bolit” të Edi Ramës

Çfarë ndodh me këtë njeri të kthyer në një keqmenaxhues të fondeve publike në Ministrinë e Turizmit, Kulturës dhe Sporti?! Një abuzues!

Superskandalet e “bolit” të Edi Ramës
Edi Rama dhe Blendi Gonxhe, foto arkivë

Në çdo korridor të kësaj ministrie dëgjon vetëm një gjë, se “asgjë nuk kalon pa fjalën e ministrit”. Ministri do të dijë çdo qindarkë shpenzimesh, dhe kjo, jo për të qenë në dijeni se ku shkojnë paratë, por të tjera halle ka Blendi Gonxhe!

Superskandalet e “bolit” të Edi Ramës
Gonxhja në një dalje televizive, 2025

“Boli i Ramës” nuk funksionon i vetëm, por shkon përtej.

CNA ka bërë një vëzhgim se si ky individ, dikur nënkryetar bashkie, më pas i “hedhur në kosh”, i larguar, i rikthyer, i bërë drejtor, më pas “superministër”, tani prapë ministër, vazhdon të “trashë qafën” e aferave dhe zullumeve të tij.

“Boli i Ramës” pritet të përballet së shpejti me një kallëzim voluminoz edhe në SPAK, për dy nga momentet e drejtimit të tij; gjatë kohës që ka qenë drejtor i DPSHTRR-së (Drejtorisë së Përgjithshme të Shërbimit të Transportit Rrugor) në lidhje me tenderët e ndryshëm, për ndërtimin e godinave rajonale e deri te pista e famshme e “Formula 1”-shit në Elbasan, si dhe gjatë kohës që ishte “superministër” i Ekonomisë, Kulturës dhe Inovacionit.

Dhe tani, që kontrollon dhe shikon gjithçka me mikroskop, që asnjë larvë të mos mundë të dalë jashtë “thesit” të tij./CNA





Lajmet e fundit nga