web counter
LEXO PA REKLAMA!

SHKARKO APP

App Store
Google Play

Protesta mes tensioneve dhe të lënduarve/ Berisha dhe Lamallari shkëmbejnë akuza nga spitalet

18 Prill 2026, 10:06, Politikë CNA

Protesta mes tensioneve dhe të lënduarve/ Berisha dhe Lamallari

Protesta e fundit e opozitës është shoqëruar me përplasje të forta që kanë lënë pas të lënduar si në radhët e protestuesve, ashtu edhe mes forcave të rendit.

Menjëherë pas përfundimit të tubimit, drejtuesit e lartë të të dyja kampeve u janë drejtuar spitaleve të kryeqytetit për të vizituar personat që po marrin ndihmë mjekësore, duke lëshuar deklarata të ashpra kundrejt njëri-tjetrit.

Kryetari i PD-së, Sali Berisha, u ndal në ambientet e QSUT-së ku vizitoi disa prej deputetëve, njëherësh bashkëpunëtorëve të tij të ngushtë dhe aktivistë të lënduar.

Gjatë prononcimit të tij për mediat, Berisha hodhi akuza të rënda ndaj policisë, duke theksuar se ndaj qytetarëve është ushtruar dhunë dhe janë përdorur substanca kimike të ndaluara.

Ai theksoi se janë përdorur spraje verbuese që zakonisht përdoren kundër kafshëve dhe, sipas tij, edhe shishe molotovi ndaj njerëzve, duke e cilësuar këtë si një terror të pashembullt të urdhëruar nga qeveria.

Në anën tjetër, ministri i Punëve të Brendshme, Besfort Lamallari, i shoqëruar nga kreu i Policisë së Shtetit, Skënder Hita, vizituan pesë efektivët e plagosur në Spitalin e Traumës.

Ministri Lamallari e cilësoi dhunën ndaj uniformave të shtetit si një akt kriminal dhe jo si një formë proteste.

Sipas tij, dora që ngrihet mbi policët është një goditje ndaj vetë ligjit dhe shtetit, duke garantuar se sulmet me molotov ndaj forcave të rendit do të marrin përgjigjen e merituar ligjore.

Ndërsa situata në spital mbetet nën monitorim, bilanci i përplasjeve flet për zyrtarë të opozitës me dëmtime në sy dhe në kokë, si dhe efektivë policie me plagë të shkaktuara nga mjetet shpërthyese.

Opozita ka paralajmëruar vijim të revoltës, ndërsa institucionet e sigurisë kanë theksuar se po dokumentojnë ngjarjet për të vënë përpara përgjegjësisë autorët e dhunës./ CNA





Lajmet e fundit nga