E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Sula kritikon skemën e subvencioneve për fermerët/ "Politika e qeverisë penalizon prodhuesit"

8 Mars 2025, 22:53, Politikë CNA

Sula kritikon skemën e subvencioneve për fermerët/ "Politika
Deputeti i Partisë Demokratike, Dashnor Sula, me anë të një postimi në “Facebook” ka ngritur shqetësimin për masat e shpallura nga qeveria për subvencionimin e fermerëve, duke e cilësuar ato si të pasuksesshme dhe pengesë për shumicën e prodhuesve.

Ai ka denoncuar politikën e qeverisë, e cila sipas tij, nuk i mbështet fermerët, por përkundrazi i penalizon.

Sula theksoi se në fshatin Vashaj, Bashkia Peqin, prodhimet janë shitur që 15 ditë, por fermerët nuk kanë përfituar asnjë mbështetje nga shteti.

Ai e kritikoi skemën e subvencioneve, e cila kërkon që fermerët të kenë të paktën 1 hektarë sera për të përfituar.

Sula e quajti këtë kërkesë të padrejtë, pasi shumica e fermerëve të vegjël në Shqipëri nuk plotësojnë këto kushte, duke i lënë ata jashtë mbështetjes.

"Qeveria doli pak ditë më parë dhe propagandoi gjoja masat për subvencionimin e fermerëve.
Në fshatin Vashaj, Bashkia Peqin, prodhimet kanë 15 ditë që kanë dalë në treg ndërkohë që dorën e shtetit nuk e ndiejn fare.
Qeveria vendos si kusht për fermerët që të përfitojmë subvencione duhet të kenë të pakten 1 hektarë sera. Ky kusht është bërë i qëllimtë për te mos ndihmuar fermerët. Në Shqipëri me gishtat e dorës numërohen ata që i bëjnë këto sipërfaqe e të përfitojnë.
Jo vetëm që si mbështesin por edhe i penalizojnë. Shpesh herë bashkëfshatrët e mi serat i kanë ngjitur me shtëpinë. Për të mos shpenzuar pompen e vaditjes e lidhin me energjinë e shtëpisë. Këta që e kapin kriminelin me qerre, vijnë edhe u bëjnë presion fermereve të vegjël dhe i detyrojnë të bëjnë kontrata të reja ia shtojnë edhe më shumë kostot.
Kjo ndodh me këtë qeveri që i urren ata që punojnë. I detyron që të braktisin vendin e tyre.
Sot në treg, kastraveci që prodhohet në Shqipëri kushton 140 lek per kg, ndërsa ai i importit 200 lekë per kg. Por fermerët thonë se nuk ka mjaftueshëm prodhim vendi që të mbuloj nevojën.
Po të mos ishin larguar shqiptarët dhe po të kenë më shumë mbështetje atëherë edhe çmimet do të ishin më ekonomike për të gjitjë.
Ndaj më 11 Maj, vota juaj duhet të shkoj për Partinë Demokratike. PD me Dr.Sali Berishën do mbështes prodhimin vendas dhe produktet “Made in Albania” do jenë moto jonë", shkruan Sula./CNA