web counter
LEXO PA REKLAMA!

SHKARKO APP

App Store
Google Play

E fundit!

x

Selami Jenisheri: Koalicioni me PD-në mund të sjellë 3 deputetë dhe 25 mijë vota për opozitën

8 Mars 2025, 22:14, Politikë CNA

Selami Jenisheri: Koalicioni me PD-në mund të sjellë 3
Selami Jenisheri, kreu i Partisë me Bashkim Popullor i Pensionistëve Shqiptar, i ftuar në një emision televiziv ka dhënë detaje mbi negociatat me Partinë Demokratike dhe për koalicionin në zgjedhjet parlamentare të 11 majit 2025.

Ai ka theksuar se, megjithëse partia e tij konsiderohet e vogël, ajo përfaqëson rreth 730 mijë pensionistë dhe është regjistruar për të marrë pjesë në zgjedhje.

Jenisheri tha se fillimisht ishin takuar me 7 parti të tjera, por vendosën të bashkohen me PD-në për të formuar koalicionin.

Ai ka kërkuar që partia e tij të përfshihet në listat e mbyllura të PD-së për qarkun e Tiranës, duke kërkuar një deputet. Sipas tij, kjo mund të sjellë për PD-në rreth 25 mijë vota, që mund të garantojnë të paktën 3 deputetë të rinj.

Ai gjithashtu theksoi se partia e tij ka një ndikim të madh në Tiranë, ku jetojnë rreth 250 mijë pensionistë.

“Kjo parti quhet e vogël por nuk është kështu. Partia jonë ka kontigjent 730 mijë pensionistë. Jemi regjistruar në zgjedhjet parlamentare të 11 majit 2025, është parë e arsyeshme ti bashkohemi kooalicionit të PD-së. Fillimisht na thirrën, para firmosjes bëmë një takim me 7 parti.

Na intereson të jemi të një koalicioni. Fillimisht doja personalisht të isha në negociata me Dashamir Shehin, më pas qëndruam me atë të PD-së. Kërkojmë një deputet në listat e mbyllura në qarkun e Tiranës nga ana e PD-së.


Nëse kjo kërkesë plotësohet, ne i ofrojmë PD-së një ekonomi dy-tre fish, drejtësi si në SHBA. Në Tiranë janë rreth 250 mijë pensionistë, 5 zyra janë ku marrin pensionet pensionistët. Mund të shkoj në zyra të vë një letër të madhe dhe u tregoj si do të çoj pensionin 200 mijë lekë.

Ne i japim 25 mijë vota PD-së, të paktën 3 deputetë. Ne jemi kryetar partie për ta çuar jetën e shqiptarëve përpara, dhe kjo bëhet nga njerëz me integritet. Ne nuk do cojmë pensionistat në kuvend por të rinjtë. Besoj te PD dhe te Sali Berisha, dua t’ia le atij hapësirën tonë, dua t’ia japim këtij kooalicioni”, tha Jenisheri./CNA





Lajmet e fundit nga