web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Në projektin Shqipëria Madhështore, gratë dhe vajzat, nënat dhe motrat, do të luajnë rolin e tyre kryesor

8 Mars 2025, 13:24, Politikë CNA

Berisha: Në projektin Shqipëria Madhështore, gratë dhe

Kreu i PD-së, Sali Berisha, deklaroi se në projektin Shqipëria Madhështore vajzat dhe gratë do të kenë rol kryesor.

Sipas Berishës, prania e tyre në të gjitha institucionet e PD-së dhe institucionet e qeverisjes së saj është e domosdoshme, është jetike.

“Prania e tyre në të gjitha institucionet e PD-së dhe institucionet e qeverisjes së saj është e domosdoshme, është jetike.

Së fundmi, ne jemi parti konservatore, për ne familja dhe vlerat e saj janë vlerë themelore e shoqërisë.

Familja si e tillë njohu këto vite agresionin më të madh në kohëra ndoshta dhe ky agresion erdhi nga ideologjia marksiste dhe post-marksiste me të cilën filloi një përpjekje e madhe për të shpërbërë familjen, për të emërtuar prindërit 1 dhe 2, për të ndërhyrë në gjininë njerëzore.

Fatmirësisht ndihemi krenarë se ne qëndruam për këto vlera.

Ne i refuzuam ato dhe nuk reshtim së mbrojturi familjen dhe vlerat familjare.

Ne refuzuam çdo nismë të kësaj mazhorance, e cila sillte në parlament ligjet antifamiljare.

Por fakti që me 20 janar u inaugurua në Shtëpinë e Bardhë Donald Trump dhe shpalli këto praktika dhe këta individë si armiq të rrezikshëm të SHBA-së, ishte një zhvillim pozitiv për mbarë njerëzimin.

Ne kemi një betejë të madhe përpara.

Tani, Shqipërinë Madhështore mund ta krahasojmë me shumë projekte. Por gjë më madhështore kombi ynë se nënën nuk ka pasur.

Kështu që duhet të jetë pikërisht ky moment, ky fakt frymëzimi ynë më i madh për t’i rikthyer nënës shqiptare të gjithë madhështinë e saj.

Kombi shqiptar, më shumë se kujtdo tjetër, se çdo gjëje tjetër, i detyron ekzistencën e tij nënës shqiptare.

Dhe kam bindjen që në projektin Shqipëria Madhështore, gratë dhe vajzat, nënat dhe motrat, do luajnë rolin e tyre kryesor.

E mbyll këtë duke i uruar ditëlindjen mikeshës sonë, Melihasë, e cila është një mike e pandarë e PD-së, një atdhetare e flaktë dhe një bashkëthemeluese e LDK-së me presidentin e ndjerë Rugova”, tha Berisha./ CNA





Lajmet e fundit nga