web counter
LEXO PA REKLAMA!

SHKARKO APP

App Store
Google Play

E fundit!

x

Spiropali sulmon opozitën/ Nuk kursen as Metën: Mezi pres ta shoh në llogoret e…

6 Qershor 2022, 21:03, Politikë CNA
Spiropali sulmon opozitën/ Nuk kursen as Metën: Mezi pres ta shoh
Ministrja Elisa Spiropali

Ministrja Elisa Spiropali sulmon opozitën lidhur me përfshirjen e saj në procesin e zgjedhjes së Presidentit të ri.

Spiropali tha në Parlament se një pakicë e rrudhur brenda pakicës vendoste kushte duke bërë të qartë se nuk do të gjente zgjidhje.

“Duke pasur parasysh se cili ishe rezultati final do të votonin të njëjtën zgjedhje, do të votonin 10 herë rresht për gjeneral Begaj. Tani ia vlen të thuhen disa të vërteta. Pikërisht se ishin në dritë të diellit ka shumë zhgënjime nga ata që janë mësuar të gënjejnë. Si deputete dhe ministre e PS-së dhe në grupin e ngarkuar për negociata. Ne tentuam të respektojmë Kushtetutën. Bashkëbiseduesit tanë hodhën gurë mbi durimin tonë. Një pakicë e rrudhur brenda pakicës vendoste kushte e duke bërë të qartë se nuk do të gjente zgjidhje. Diskutonin me ne, por sytë i kishin te personazhi Makbethian që sapo foli. Të frustruar dhe të paaftë për të diskutuar. Ishte kaq e dhimbshme derexheja. Më shumë se zgjedhja kjo pjesë e opozitës kujdesej të ishte me alibinë e Alibeajt në xhep, ne përfshihemi dhe ju na jepni qorrazi votat tuaja. Trashëgimtarët e dyerve të të blinduarve kishin mbetur me porta të shqyera. Sa i takon PS-së gjithçka është shumë e qartë. Ishim të qartë se në Shqipëri kishte shumë figura dinjitoze”, u shpreh ajo, ndërsa nuk i kurseu as ironitë për Presidentin Ilir Meta.

“Nuk erdhi Luli se po ujitej në pishinë, nuk erdhi Alibeaj. Ilir Meta përmes dekretit të tij formal bëri aktin e duhur dhe mezi e pres ta shoh në llogoret, jo të opozitarizmit, por të llogores që i prishin dhe theu zyrën e vet. Njeriu që e dekretoi njëherë nuk mund të kthehej kundër figurës së Bajram Begaj”, theksoi ministrja./ B.A- CNA.al





Lajmet e fundit nga