web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Presidentit/ Berisha: Do të mbahet mend si funerali i demokracisë

6 Qershor 2022, 20:34, Politikë CNA
Zgjedhja e Presidentit/ Berisha: Do të mbahet mend si funerali i
Kryetari i PD-së, Sali Berisha

Me zgjedhjen e Presidentit të ri të vendit është vendosur përfundimisht në sistemin e monizmit, kështu është shprehur Kryetari i Partisë Demokratike, Sali Berisha, në seancën parlamentare.

Ai ka akuzuar kryeministrin Rama dhe mazhorancën se kanë uzurpuar të fundit institucion që nuk ishte nën kontrollin e qeverisë, duke sjellë kështu fundin e balancës së pushteteve. “Shqipëria e Edi Ramës, vend i monizmit total, republikë moniste e George Sorosit. E shtuna e katër qershorit 2022 do të kujtohet si një nga ditët më të zeza të demokracisë shqiptare, funeral i demokracisë në Shqipëri. Me uzurpimin e Presidencës u rivendos sistemi monist i plotë.

Me emërimin më 4 qershor nga pseudo-mazhoranca sot si dikur pushtetet janë në duar të një njeriu e një partie. Sot si kurrë më parë në ekzekutiv, çdo zyrtar është i vetëm një partie. Sot si në të shkuarën të gjitha institucionet e larta si Presidenti, KLSH, Shërbimi Informativ, etj, janë të gjitha të PS-së.

Sot në institucionet e drejtësisë dhe SPAK-ut çdo gjykatës i Gjykatës së Lartë është emëruar nga PS-ja. Sot në Shqipërinë moniste të gjitha organet joqeveritare kontrollohen nga qeveria dhe Sorros, mediat me shumë pak përjashtime kontrollohen nga qeveria, sot të gjithë sektorët madhorë ekonomikë zotërohen nga oligakët e Ramës. 4 qershori shënon zhdukjen e çdo lloj kontrolli ndaj pushteteve. Me zgjedhjen 2 ditë më parë të Presidentit Socialist nga PS u zhduk balanca mes pushteteve”, tha Berisha./ CNA.al





Lajmet e fundit nga