web counter
LEXO PA REKLAMA!

SHKARKO APP

App Store
Google Play

Sot samiti BE-Ballkani Perëndimor në Bruksel, Greqia kërcënon me veto Shqipërinë

13 Dhjetor 2023, 10:09, Politikë CNA

Sot samiti BE-Ballkani Perëndimor në Bruksel, Greqia

Sot, më 13 dhjetor, do të zhvillohet në Bruksel samiti i radhës BE-Ballkani Perëndimor, ku do të diskutohet për integrimin e Shqipërisë. 

Nga 27 vendet e BE-së, Greqia është i vetmi shtet që nuk ka firmosur dokumentin e përbashkët për hapjen e pesë kapitujve themelorë të negociatave, duke kërkuar fillimisht betimin e Fredi Belerit si kryetar bashkie të Himarës.

Por, kjo kërkesë e Athinës zyrtare nuk është marrë parasysh nga autoritetet shqiptare. 

GJKKO në një vendim të marrë më 11 dhjetor hodhi poshtë kërkesën e Belerit për t’i dhënë leje që të betohej Beleri. 

Ndërkohë media greke "Kathimeri" raporton duke cituar burime diplomatike nga Brukseli thotë se "kanë konfirmuar lëvizjet e pritshme të qeverisë së Athinës, e cila nuk do të dakordësohet në vijimin e progresit të Shqipërisë në procesin e anëtarësimit".

Kjo media ka publikuar sot një tjetër artikull, ku nënvizon se "dera e BE do të jetë e mbyllur për Shqipërinë sa kohë që Beleri nuk betohet". 

Sipas medias greke, “Kryeministri shqiptar Edi Rama zgjodhi kundërshtarin e gabuar për të treguar forcën me rastin e çështjes 'Beleri'”./CNA

 

 





Lajmet e fundit nga