LEXO PA REKLAMA!

SHKARKO APP

“Jam i bindur në pafajësi”/ Beleri flet nga burgu: GJKKO noterizoi vendimin e Ramës

11 Dhjetor 2023, 22:11, Kosova & Bota CNA
“Jam i bindur në pafajësi”/ Beleri flet nga burgu: GJKKO
Fredi Beleri

Kandidati që fitoi zgjedhjet si kryetar i Bashkisë Himarë, Fredi Beleri ka folur mbrëmjen e kësaj të hëne nga burgu për Euroneës.

Ai tha se vendimi i sotëm i GJKKO ku nuk pranoi kërkesën e Belerit për të bërë betimin si kryetar bashkie ishte dhënë nga Rama 4 muaj më parë.

Beleri thotë se është i bindur në pafajësi dhe kjo është kryesorja për të.

“Edhe kjo që nuk jepet leje të flasin në paraburgim, nuk është gjë normale sepse të gjithë të tjerët flasin për mua, përveç meje. GJKKO mori sot një vendim që kishte dhënë Rama 4 muaj më parë. Në gusht në Ekathimerini Rama tha se ka një vendim gjyqësor që e ndalon Belerin të Betohet. Sot gjykata noterizoi vendimin. Ka dalë mbi 5 herë në media dhe forume të PS ku ka thënë se nuk mund të betohet sepse nuk e lë ligji. Nga paraburgimi këtu ka dalë një deputet dhe ka marrë mandatin. Këtu nuk ka barazi ligjore. Gjykata është futur në aleancën e atyre që duan të marrin Himarën me forcë. Në asnjë vend të Europës dhe botës një humbës nuk mund të ushtrojë detyrën e tij.

Për mua kryesore do të ishte pafajësia dhe jam i bindur në pafajësi. Por këtu ka një regji që merret me këto. Pra me çfarë tagri Bashkia e Himarës po drejtohet sot nga dikush që ka humbur. Në të vërtetë Rama e drejton Bashkinë e Himarës”, tha Beleri./ CNA

Lajmet e fundit nga