web counter
LEXO PA REKLAMA!

SHKARKO APP

App Store
Google Play

Rinumërimi për Fierin/ PD dhe partitë e vogla në rënie, Zegjineja thellon rezultatin

1 Korrik 2025, 11:39, Politikë CNA

Rinumërimi për Fierin/ PD dhe partitë e vogla në rënie,

Rinumërimi i votave për Qarkun e Fierit nuk ka sjellë asnjë ndryshim që mund të kontestojë fitoren e PS-së.

Deri më tani janë hapur 246 kuti nga 587 kuti, ose rreth 42%.

Nga rezultatet duket se rihapja e kutive ka sjellë vetëm gabime të vogla që në fakt tregojnë se PD është në rënie dhe po ashtu partitë e vogla.

Partisë Demokratike i zbriten 74 vota të pamerituara, ndërsa Partisë Socialiste i shtohen 28 vota nga rinumërimi. Shifra këto që i zbehin shpresën Lapajt për t’i marrë PS-së një mandat në Fier. Nisma Shqipëria Bëhet shpreson që të marrë 519 votat e nevojshme dhe të fusë në Kuvend kandidatin Azmer Duleviç. Por, zhvillimet deri tani nuk i kanë shkuar në favor. Pasi, jo vetëm që PS është fuqizuar, por nga ana tjetër Lapajt i janë zbritur 4 vota.

Humbje të vogla kanë pësuar edhe parti të vogla si Lëvizja Bashkë 4 vota, 2 Koalicioni Djathtas për Zhvillim. Përveç PS-së, që i shtohen disa vota, edhe partisë Mundësia i shtohen 3 vota, që i janë hequr nga numërimi fillestar.

Ndërkohë nga ana tjetër vihet re se ajo që ka pësuar rritje është Zegjine Çaushi.

Maldrita Bardho ka thelluar diferencën në favor të Çaushit së cilës i janë shtuar 4 vota./ CNA





Lajmet e fundit nga