web counter
LEXO PA REKLAMA!

SHKARKO APP

App Store
Google Play

SPAK, prova të reja për dyshen Meta-Kryemadhi/ 240 mijë euro për veshje në Londër, Las Vegas e Beverly Hills

1 Korrik 2025, 11:12, Politikë CNA

SPAK, prova të reja për dyshen Meta-Kryemadhi/ 240 mijë euro

SPAK-u ka siguruar prova të reja në lidhje me korrupsionin e dyshes Meta-Kryemadhi.

Nga dhjetori i vitit 2014 deri në nëntor të vitit 2017, SPAK dyshon se Meta dhe Kryemadhi kanë shpenzuar 240 mijë dollarë nga karta e biznesmenit shqiptaro-amerikan, Adrian Shatku.

240 mijë dollarë është shuma që është arritur të dokumentohet deri tani, pasi dyshohet se vlera mund të jetë edhe më e lartë dhe për këtë priten të tjera letërporosi.

SPAK-u ka administruar disa letërporosi nga disa shtete të huaja mbi pagesat që janë kryer me këtë kartë të dytë online bankare.

Sipas raportit të SPAK-ut, theksohet se 240 mijë dollarë janë përdorur për të bërë pagesa për veshje nga Kryemadhi në Londër, Vjenë, Las Vegas e Beverly Hills, por edhe pagesat për qëndrimet në hotele apo biletat e avionit.

Pak ditë më parë, pas vendimit të gjykatës për të lënë në burg Metën, ky i fundit ia faturoi korrupsionin ish-bashkëshortes së tij, Monika Kryemadhit.

"Shpenzimet e kryera nga Monika Kryemadhi me kartën American Expres Centurion me numër XXXX XXXXXS-31017, për periudhën Dhjetor 2014- Nentor 2017 kapin vlerën 234,677.83 USD.

Sipas përshkrimit të llojit të shërbimit, pagesat e kryera nga Monika Kryemadhi jane kryesisht për blerje ne dyqanet e veshjeve në Londër, Vjenë, Las Vegas, Beverly Hills; pagesa të qëndrimit në hotel në Lbndër, New York dhe Las Vegas si dhe bileta avjoni për udhëtimet", thuhet në raportimin e SPAK-ut./ CNA





Lajmet e fundit nga