web counter
LEXO PA REKLAMA!

SHKARKO APP

App Store
Google Play

Rama: Nuk do të jetë e largët dita kur Shqipëria do të ketë një grua kryeministre

11 Prill 2025, 22:13, Politikë CNA

Rama: Nuk do të jetë e largët dita kur Shqipëria do të

Kryesocialisti Edi Rama ishte sot i pranishëm në takimin “Vajzat dhe Gratë Socialiste për Shqipërinë 2030”, që u mbajt pasditen e sotme në Teatrin Kombëtar Të Operas dhe Baletit. Në fjalën e tij, Rama u ndal te rëndësia dhe roli i grave dhe vajzave në politikë.

Ndër të tjera, Rama tha se është i bindur që nuk do të jetë e largët dita kur Shqipëria do të ketë një grua kryeministre.

Rama tha me shaka se as nuk e diskuton fare se kryeministrja e parë grua do të jetë socialiste.

“Sot Kuvendi drejtohet nga një grua socialiste, e cila zëvendësoi një tjetëtr grua socialiste. Jam i bindur që nuk është aq e largët dita sa mund të dukej deri dje kur Shqipëria do të ketë edhe gruan e parë kryeministre, dhe as nuk e diskutoj fare se do të jetë socialiste.

Shikoni se si kemi rritur pjesëmarrjen e grave dhe vajzave në kuvendet vendore në këshillat bashkiakë ku ka qenë PS gjatë gjithë kohës, që ka tërhequr të tjerët dhe kur në mënyrë të vazhdueshme ne e kemi vënë si kusht për të kaluar më tej në miratimet e ligjeve zgjedhore”,- u shpreh Rama./CNA





Lajmet e fundit nga