web counter
LEXO PA REKLAMA!

SHKARKO APP

App Store
Google Play

E fundit!

x

“Patronazhistë bëni kujdes”/ I riu i FRPD-së, Berberi: Më 11 maj rrëzojmë çdo hijenë

11 Prill 2025, 21:58, Politikë CNA

“Patronazhistë bëni kujdes”/ I riu i FRPD-së,

Këtë të premte u çel fushata e demokratëve për zgjedhjet e 11 majit. Fushata u çel nga anëtari i Kryesisë së FRPD-së, Orest Berberi. Në një fjalim entuziast, Berberi tha se më 11 maj shqiptarët kanë mundësinë të rrëzojnë çdo hijenë, që të nesërmen Shqipëria të gdhihet blu.

Berberi tha se Partia Demokratike nuk është thjesht një logo, një seli, një emër, ajo është zemra e shqiptarëve të lirë!

Berberi shtoi se më 11 maj PD-ja do të fitojë, jo për vetë partinë, por për të gjithë ata që duan të jetojnë në këtë vend me dinjitet.

“Mirëmbrëma, o shqiptarë të fjalës së lirë! Mirëmbrëma ju, qëndrestarë dhe qëndrestare të palëkundur, që nuk jeni përkulur kurrë përpara padrejtësisë!

Sonte jemi këtu, të gjithë bashkë, për të nisur rrugën drejt fitores madhështore!

Sonte jemi këtu edhe për të falënderuar njëri-tjetrin, për besimin që kemi pasur dhe kemi tek njëri-tjetri!

Jemi këtu sepse askush nuk mund ta shuajë dritën e lirisë që u ndez 34 vite më parë!

 Ai që dikur u përpoq të na shkatërronte nga themelet, që donte të na fshinte si parti, si histori, si zë…

Dështoi!

Ai dështoi sepse Partia Demokratike nuk është thjesht një logo, një seli, një emër, ajo është zemra e shqiptarëve të lirë!

Ajo është forca e njerëzve që nuk u shitën, nuk u përkulën, nuk u dorëzuan!

Është forca e rinisë që nuk trembet kurrë.

Është frymëzimi i rinisë që nuk shuhet.

Është vendi ku të rinj e të reja luftojnë për bindje dhe ideal!

Ne u sulmuam…Ne u goditëm…Por ne u ringritëm!

U bashkuam, më të fortë, më të vendosur dhe më të pastër se kurrë më parë!

Dhe ja ku jemi sot:

Të parët! Të parët në shpirt! Të parët për njerëzit! Të parët në listë, me numrin 1!

Ne jemi njishat. Dhe si të tillë, nuk pyesim kë kemi përballë, do të rrëzojmë çdo hijenë!

Me besim në Zot dhe me dashuri për Atdheun!

Më 11 maj ne fitojmë! Jo për veten tonë. Por për të gjithë ata që duan të jetojnë në këtë vend me dinjitet!

Dhe më 12 maj…Shqipëria gdhihet blu! Si qielli që Zoti e krijoi për të qenë i lirë! Si deti që s’njohu kurrë zinxhirë!

Prandaj, si të djathtë që jemi, le ta nisim këtë rrugë me këmbën e djathtë, që të na shkojë mbarë!

Jo me të majtën — që të mos na shkojë mysybet!

Rroftë Partia Demokratike! Rroftë Rinia e Shqipërisë!

Zoti i bekoftë shqiptarët, kudo që janë!

Fitorja na përket neve! Fitorja i përket Shqipërisë Madhështore!”-tha Berberi./CNA





Lajmet e fundit nga