web counter
LEXO PA REKLAMA!

SHKARKO APP

App Store
Google Play

E fundit!

x

“Sëmundja e Shqipërisë quhet Edi Rama”/ Berisha: U përpoq me gjithçka të mos kishte opozitë

11 Prill 2025, 21:15, Politikë CNA

“Sëmundja e Shqipërisë quhet Edi Rama”/ Berisha: U

Kjo e premte shënoi çeljen e fushatës zgjedhore për Partinë Demokratike dhe Aleancën për Shqipërinë Madhështore. Në fjalën e tij, kreu i Partisë Demokratike, Sali Berisha u ndal gjatë te gjendja e politikës në vend.

Berisha tha se Shqipëria është e sëmurë dhe kjo sëmundje quhet Edi Rama.

Berisha u shpreh se kreyministri Edi Rama u përpoq me gjithçka, me arrestime, me korrupsion, me përçarje, me çdo gjë, që Shqipëria të mos kishte opozitë.

Berisha akuzoi Ramën se në këto 12 vite shqiptarëve nuk u tregon dot një gjë, një vepër, sepse vetëm ka vjedhur.

“Miq, Shqipëria është e sëmurë. Kjo sëmundje quhet Edi Rama.

I tmerruar nga e vërteta, i tmerruar nga transparenca, ka dy muaj që është ngujuar në zyrë, ka dy muaj që flet me vete, ka dy muaj që ka frikë.

Por miq, u përpoq me çdo mënyrë, u përpoq me gjithçka, me arrestime, me korrupsion, me përçarje, me çdo gjë, që Shqipëria të mos kishte opozitë. Ja ku jemi sot, më të fuqishëm se kurrë.

Edi Rama vazhdon avazin e vjetër. Edi Rama vazhdon mashtrime, shpifje dhe trillime.

Por për 12 vite shqiptarëve nuk u tregon dot një gjë, një vepër, sepse kudo ka vjedhur, ka vjedhur dhe vetëm ka vjedhur.

Lufta e tij me PD-në, trashëgiminë e saj, është lufta e Don Kishotit me mullinjtë e erës.

Çfarëdo që të thotë dhe çfarëdo që të bëjë, kjo parti është partia e pluralizmit politik. Ky flamur është flamuri i pluralizmit politikë.

Çfarëdo që të thotë dhe çfarëdo që të bëjë, kjo parti është partia që përmbysi diktaturën komuniste, vendosi demokracinë dhe ekonominë e tregut. Çfarëdo që të thotë dhe çfarëdo që të bëjë, kjo parti është parti që anëtarësoi Shqipërinë në Këshillin e Europës, në NATO dhe nxori Shqipërinë nga terri dhe errësira.

Është partia që çau malet dhe bashkoi kombin me Rrugën e Kombit. Është partia që dyfishoi rrogat dhe pensionet dhe e nxori Shqipërinë nga humnera e varfërisë në grupin e vendeve me të ardhura të mesme të larta.

Kjo parti është partia që liberalizoi vizat e shqiptarëve, suksesin e tyre të jetës, i nxori nga izolimi evropian. Kjo parti është partia e projekteve më të mëdha, më të mëdha në historinë e Shqipërisë, por edhe në rajon edhe më gjerë, si TAP dhe Kaskada e Devollit.

Miqtë e mi, kjo parti ka paraqitur një program në të cilin jo më vetëm vepra të caktuara, por Shqipëria e tërë do jetë madhështore, madhështore, madhështore”,-tha Berisha./CNA





Lajmet e fundit nga