web counter
LEXO PA REKLAMA!

SHKARKO APP

App Store
Google Play

Rama, intervistë për “La Republica”/ Pse pranoi të sillte azilantët italianë në Shqipëri

7 Nëntor 2023, 10:41, Politikë CNA
Rama, intervistë për “La Republica”/ Pse pranoi të
Kryeministri Edi Rama dhe kryeministrja e Italisë, Giorgia Meloni

Kryeministri Edi Rama ka dhënë një intervistë për median italiane “La Republica” në lidhje me marrëveshjen me Italinë për emigrantët.

Rama tha se për këtë çështje kishte diskutuar muaj më parë me kryeministren italiane, Giorgia Meloni dhe kur ajo erdhi në Shqipëri për pushime në muajin gusht biseduan sërish për emigrantët.

Ai deklaroi se nuk mund ta refuzonte Italinë, ndërsa zbuloi se edhe shtete të tjera i kanë kërkuar të njëjtën gjë dhe nuk ka pranuar.

“Giorgia kishte folur me mua për këtë para verës, më pas biseduam më 15 gusht, kur ajo erdhi në Shqipëri. Kemi pasur kërkesa të tjera, nga vende të ndryshme, por Italisë nuk i thonim dot jo”, u shpreh ai.

I pyetur për shpenzimet, kreu i qeverisë nuk dha një përgjigje të saktë.

“Italia do të kujdeset për krijimin dhe menaxhimin e qendrave: strukturat ende duhet të ndërtohen”, deklaroi ai.

Gazetari i përmendi reagimet e forta dhe kritikat që ka marrë për këtë marrëveshje dhe e pyeti Ramën për kompensimin që do të marrë nga Italia.

Kryeministri theksoi se Italinë nuk po e ndihmon për biznes, pasi shteti fqinj e ka ndihmuar Shqipërinë më shumë se një herë.

“E pabesueshme, të gjithë më pyesin këtë. Por në vend të kësaj unë mendoj se kjo gjë duhet parë në një mënyrë shumë më të thjeshtë. Ne nuk bëjmë biznes. Dhe ne tashmë kemi përvojë në pritjen e refugjatëve afganë.

Sepse kur Italia ka nevojë për ne, ne japim një dorë dhe jemi të nderuar ta bëjmë këtë. Sepse Italia na tregoi kaq shumë respekt, na dha një dorë të madhe jo një herë por shumë herë, na priti krahëhapur kur shpëtuam nga ferri.

Italia tashmë investon shumë në Shqipëri, por mund të bëjë shumë më tepër. Megjithatë, jo për këtë arsye ne kemi vendosur ta ndihmojmë vendin tuaj, por nga një frymë e pastër dhe e thjeshtë miqësie. Kështu ushqehen dhe afirmohen miqësitë”, nënvizoi Rama./ CNA





Lajmet e fundit nga