web counter
LEXO PA REKLAMA!

SHKARKO APP

App Store
Google Play

Programi i PD-së në Gjirokastër/ Ristani dhe Buci zhvillojnë takime në zonën industriale

19 Prill 2025, 22:05, Politikë CNA

Programi i PD-së në Gjirokastër/ Ristani dhe Buci

Kandidatët për deputetë të PD-së në Qarkun e Gjirokastrës, Arben Ristani dhe Alma Kore-Buci, kanë zhvilluar sot takime me bizneset prodhuese në zonën industriale të Gjirokastrës.

Ulja e taksave për bizneset e vogla dhe ato prodhuese janë në programin bazik të PD-së dhe të zbatueshme nesër në pushtet. Kjo do të lehtësonte mjaft bizneset çka do të përkthehej me rritje të vendeve të punës dhe rrogave.

Si Ristani dhe kandidatja Kore-Buci kanë vënë theksin në strategjinë që ka PD-ja nesër në pushtet për Qarkun e Gjirokastrës, duke i rikthyer shkëlqimin e munguar gjatë 12 viteve të fundit. Rikthimi i të gjitha institucioneve të munguara në këtë qark, do t’u rikthejë shpresën banorëve për një jetë më dinjitoze.

Ndërkohë që PD garanton se institucionet e larguara prej Edi Ramës nga Gjirokastra, do të kthehen aty ku kanë qenë dhe siç kanë qenë duke e ridimensionuar këtë qark në vendin që i takonte.

Nga ana e tyre punonjëset e bizneseve prodhuese janë shprehur të bindura se ndryshimi në 11 maj do të vijë dhe se Gjirokastra kësaj herë do të zgjohet dhe të zgjedhë alternativën e duhur për rimëkëmbjen e këtij qarku të lënë në harresë./CNA





Lajmet e fundit nga