web counter
LEXO PA REKLAMA!

SHKARKO APP

App Store
Google Play

“Realiteti është më shumë se dramatik”/ Bardh Spahia: Shporta ushqimore në Shqipëri varfërohet çdo ditë

19 Prill 2025, 11:52, Politikë CNA

“Realiteti është më shumë se dramatik”/ Bardh

Kandidati i PD-së në Qarkun Shkodër, Bardh Spahia, me anë të një statusi në rrjetet sociale, ka bërë një krahasim të çmimeve në Shqipëri me ato në Malin e Zi.

Spahia shkruan se kur flitet për ekonominë, realiteti në Shqipëri është më shumë se dramatik. Më tej Spahia bëri thirrje për të votuar numrin 1.

“Shqipërinë dhe Malin e Zi i ndan një distancë prej pak kilometrash, por realiteti që jetojnë qytetarët shqiptarë është më shume se dramatik, kur flitet për ekonominë. Shporta ushqimore në Shqipëri varfërohet çdo ditë, për shkak të çmimeve të kripura dhe abuzimit që ndodh haptas. E njëjta situatë edhe me karburantin, e shumë produkte të tjera bazike.

Ky nuk është thjesht një krahasim çmimesh, është një pasqyrë e dështimit ekonomik të një qeverie që prej 12 vitesh ka rritur taksat, ka toleruar abuzimin me çmimet dhe ka përdorur pushtetin për të varfëruar qytetarët. Ky realitet i hidhur është një thirrje e fortë për ndryshim, që vetëm Partia Demokratike dhe programi i saj mund ta sjellë. Prandaj në 11 Maj shkodranët dhe shqiptarët do të votojnë masivisht nr.1”, shkruan Spahia./ CNA





Lajmet e fundit nga