web counter
LEXO PA REKLAMA!

SHKARKO APP

App Store
Google Play

Damian Gjiknuri, në listën e hapur të PS-së/ U kërkon votën vlonjatëve

18 Prill 2025, 15:03, Politikë CNA

Damian Gjiknuri, në listën e hapur të PS-së/ U kërkon

Kandidati i PS-së në listën e hapur për Vlorën, Damian Gjiknuri, ka zhvilluar një takim në Njësinë Administrative në Shushicë.

Gjiknuri u ka kërkuar votën duke thënë se është një person që ka mbajtur angazhimet e marra.

"Jam rikthyer dhe kam gjetur mirënjohjen tuaj. Në Njësinë Administrative Shushicë, së bashku do të vijojmë punët e nisura. Komunikimi ynë ka qenë i drejtpërdrejtë, pasi unë kam qenë gjithmonë në dobi të komunitetit.

Ka lista të hapura dhe keni mundësi zgjedhjeje, por mendoj se ata që duan votën për Partinë Socialiste, për të respektuar një njeri që ka bërë shumë për Vlorën dhe që ka një zë të fortë në parlament, mendoj që drejtimi është kandidatura ime. Ju keni nevojë për një zë të fortë, që t'ju përfaqësojë si duhet; një njeri që e di si bëhet politika vendimmarrëse, që e ka treguar veten me punë konkrete.

Nëse unë marr mbështetjen maksimale në njësinë tuaj, ju më jepni një kredi morale, jam në borxh moral për të bërë trefishin e asaj që duhet të bëj. Duke votuar për Partinë Socialiste, që ka bërë shumë për Vlorën, ju votoni edhe për rritjen e pensionit minimal, rritjen e pagës minimale, rritjen e pagës mesatare.

Krahas investimeve që janë bërë, këtu në zonën tuaj do të vijë rruga e cila do t'ju lidhë direkt me autostradën në Vlorë. Natyrshëm do të sjellë një zhvillim edhe më të madh për bujqësinë dhe më të mira materiale për komunitetin tuaj.

Një votë për Damian Gjiknurin është një votë për një njeri të provuar që ka mbajtur angazhimet e marra. Aty ku është pengesa, aty është drejtimi ku dua të shkoj. Forcën ma jepni ju. Kërkoj çdo votë të qytetarëve të Vlorës për të qenë i fortë. Ju jap fjalën që unë po votohem këtu për të mos ikur më nga Qarku. Me besimin tuaj, këtë mandat do të bëj dhe ato që më kanë mbetur përgjysmë.

Partinë Socialiste dhe Damian Gjiknurin do ta keni në krah, këtu në Njësinë Administrative Shushicë, për problemet dhe të mirat e kësaj zone", tha Gjiknuri./ CNA

 





Lajmet e fundit nga