web counter
LEXO PA REKLAMA!

SHKARKO APP

App Store
Google Play

“Gjysma e burrave në këtë vend janë çyrykë”/ Rama kërkon vota për PS-në në Dibër

18 Prill 2025, 11:33, Politikë CNA

“Gjysma e burrave në këtë vend janë

Kryeministri Edi Rama, gjatë një takimi me gratë dhe vajzat në Dibër, në kuadër të fushatës për zgjedhjet e 11 majit, u përball me një slogan ku shkruhej “4 me 1 s’ka bo vaki, nga Burreli në Peshkopi”.

Rama tha i bindur se më 12 maj Dibra do të gdhihet rozë, ndërsa u shpreh se fuqia e PS-së është gruaja dhe vajza.

Si gjithnjë nuk kurseu as ironitë për burrat shqiptarë, ku u shpreh se gjysma e tyre janë normal dhe gjysma tjetër janë çyrykë.

“Sot kur sapo hyra më është kujtuar takimi i parë në PS e Dibrës. Takimi i parë në PS e Dibrës, gjithë burra, mbyllur në një si strofull. Njëri hudh, tjetri kap, nuk merrja vesh ca thoshin dhe as me kë e kishin, as ku donin të dilnin, por një gjë e kuptova që më budallai aty isha unë. Sot para se të vinim ishim ulur aty dhe i thashë Astrit Ademit, ti asnjëherë nuk e ke besuar se PS këtu nëse nuk i nxjerr gratë nga shtëpia që t'u japë komandën dhe nëse këtu nuk e marrin gratë dibrane komandën nuk fiton kurrë. Sot faktikisht gjithë kjo pamje që ishte e paimagjinueshme 10 vjet më parë është pamja e fitores sonë.

4 me 1 s'ka bo vaki nga Burreli në Peshkopi. Mendoj se kjo do realizohet. Ajo që është e rëndësishme 4 apo 3 në 11 maj Dibra do votojë aty ku duhet dhe më 12 maj do gdhihet rozë. Sepse Dibra është grua, Shqipëria është grua, edhe Europa është grua.

Mua nuk ka gjë tjetër që më bën krenar sesa fakti që kjo forcë themelin më të madh ka gratë dhe vajzat në të gjithë Shqipërinë. Në gjithë Shqipërinë PS-në e mbështesin 56% e grave dhe vajzave. Ka disa qarqe që shkon 65%, Dibra është rreth 60%.

Nëse ne kemi 60% të grave dhe vajzave, nëse ne kemi shumicën e votuesve të parë, na mjafton vetëm gjysma e burrave, sepse kjo jetë këtu në këtë vend më ka mësuar që gjysma e burrave janë normal, gjysma tjetër janë çyrykë", u shpreh Rama./ CNA





Lajmet e fundit nga