web counter
LEXO PA REKLAMA!

SHKARKO APP

App Store
Google Play

"Garantojnë sigurinë energjetike të vendit"/ Balluku: Kompani të mëdha po ndërtojnë parqe fotovoltaike

17 Prill 2025, 19:53, Politikë CNA

"Garantojnë sigurinë energjetike të vendit"/ Balluku:

Zëvendëskryeministrja, Belinda Balluku, njëherësh ministre e Infrastrukturës dhe Energjisë informoi sot se javën e ardhshme do të nxirret për konsultim publik drafti i ligjit “Për sektorin energjetik”.

Në tryezën ”Tregu i energjisë dhe aktorët e tregut”, mbajtur sot, Balluku u shpreh se “e shikojmë të rëndësishme që të kemi një ligj që do të na përgjigjet në vijimësi, në të gjithë kuadrin e tij pa pasur nevojë për ndryshime të herëpashershme dhe luhatje me proceset që kanë të bëjnë me investimet në sektor”.

Ajo ftoi aktorët në treg të paraqesin propozimet e tyre për këtë ligj. Më tej, Balluku bëri të ditur se falë investimeve dhe reformave në këtë sektor, humbjet sot kanë rënë në 18%, nga 45 që ishin në 2023-ën.

“E kemi marrë me 700 milionë euro borxh të niveleve të ndryshme dhe me humbje teknike që kalonte 45 % dhe mbledhje të ardhurash nën 75 %. Sot humbjet teknike kanë rënë në 18%. Sot kemi kompani të mëdha shqiptare e europiane që po ndërtojnë parqe fotovoltaike që garantojnë sigurinë energjetike të vendit dhe kthimin e Shqipërisë në një vend eksportues neto”, u shpreh ajo./ CNA





Lajmet e fundit nga