web counter
LEXO PA REKLAMA!

SHKARKO APP

App Store
Google Play

“Kemi programin më të mirë për shqiptarët”/ Berisha: Taksat të kthehen në shërbime publike

19 Prill 2025, 19:30, Politikë CNA

“Kemi programin më të mirë për shqiptarët”/

Kreu i Partisë Demokratike, Sali Berisha zhvilloi sot një bashkëbisedim me banorët në zonën e Kombinatit në Tiranë. Gjatë këtij takimi, Berisha u ndal edhe te programi ‘PD-Shqipëria Madhështore'.

Në fjalën e tij, Berisha tha se programi i PD-së për 4 vitet e ardhshme është i krijuar me ekspertizën më të mirë.

“Jam i kënaqur që jam këtu për të paraqitur para jush projektin tonë për 4 vitet që vijnë. Vij me bindjen e thellë se kemi programin me të mirë para shqiptarëve. Sepse kemi ekpertizën më të mirë botërore. Kanë shqyrtuar dhe vlerësuar programin tonë”,-tha Berisha.

Berisha tha se shteti duhet të zbatojë parimin e kthimit të taksave në shërbime të ndryshme publike.

“Ky program ka eksperiencën. Siç jeni dëshmitar, bëmë një ndryshim të madh në qëndrimin e shtetit ndaj qytetarëve. Kjo u shpreh para së gjithash në kthimin e taksave. Ky ëshët parim themelor për ata që qeverisin. Shteti është si familja. Dhe si kryefamiljari, të ardhurat e familjes duhet t’i shpërndajë. Edhe shteti duhet tu kthejë tasksat, së pari qytetarëve dhe të tjerat për shërbime në shëndetësi, arsim e vepra publike”,-tha Berisha.

Berisha u shpreh se  në 8 vitet e qeverisjes së tij ka pasur zhvillime të mëdha pozitive në ekonomi dhe sipas tij ka qenë një arritje edhe në raport me vendet e rajonit.

“Në Shqipëri ndodhi një çudi që tejkalon çdo imagjinatë. Nga 2005 deri në 2013, nuk ka mësues dhe infermierë që të thotë se nuk iu dyfishua rroga. Ka pasur rritje në pensionin e lartë e të mesëm. Akti i parë është që të kthehen paratë te ju. Arritëm të jemi qytetarët më të mirëpaguar të rajonit. Kjo ishte Shqipëria në vitin 2013. Nuk ndalem te kjo për tu lavdëruar”,-tha Berisha./CNA





Lajmet e fundit nga