Takimi me qytetarët në Korçë/ Noka: Programi ekonomik i PD-së do të ringjallë tregjet

19 Prill 2025, 20:00, Politikë CNA

Takimi me qytetarët në Korçë/ Noka: Programi ekonomik i

Sekretari i Përgjithshëm i Partisë Demokratike, Flamur Noka po zhvillon një sërë takimesh në të gjitha qarqet e Shqipërisë, ku në qendër të diskutimeve është ekonomia. Noka ishte sot në Korçë, ku u takua me disa tregtarë e qytetarë, me të cilët foli për gjendjen ekonomike.

Noka ishte në këto takime bashkë me drejtuesin politik të Korçës Ivi Kaso. Në fjalën e tij, Noka vuri theksin te programi ekonomik i PD-së, që sipas tij, do të ringjallë tregjet, rrisë konsumin, rrisë prodhimet dhe mbajtur në këmbë produktet e fermerëve.

Noka u shpreh se pas 11 majit, shqiptarët me qeverinë e Partisë Demokratike do të kenë politika lehtësuese.

"Ja ku jemi tek tregu i fruta-perimeve në Korçë.

Tregu i gjithi ngjan me një shkretëtirë. Tregtarët kanë mbledhur në arkat e tyre vetëm qindarka. Tregtarët që ankohen se fuqia blerëse në Korçë ka shkuar në minimumin e saj historik për shkak të shpopullimit. Kanë mbetur vetëm pensionistët të cilët nuk as fuqi blerëse. Sistemi fiskal i aplikuar nga Rilindja ka rrënuar fermerin.

Çmimet që biznesi shet fruta perimet nuk janë konkurruese me çmimet që sjell importi. Ballkani i hapur si politikë ekonomike e Edi Ramës, e ka varrosur biznesin vendas, ka varrosur fermerët shqiptarë. Pas 11 majit, shqiptarët me qeverinë e Partisë Demokratike do të kenë politika lehtësuese. Do të vendoset taksë e sheshtë 10% e barabartë me të gjithë. 10% taksa e sheshtë për pagën, 10% për çdo të ardhur mbi pagat. Biznesi i vogël mbi 180 milionë lek të ardhura do të ketë zero taksime. Profesionet e lira do të kenë ZERO TAKSIME. Do të krijohet prodhimi “Made in Albania”, për të konkuruar jo thjesht me tregun rajonal por me tregun ndërkombëtar.

Ky është vizioni i Partisë Demokratike. Ky është një premtim për qeverisjen e Partisë Demokratike, pas 11 majit. Të gjithë fermerët siç e patë, na dhanë fjalën. Do të votojnë 1-shin. Edhe tregtarët po ashtu, premtojnë që do të votojnë 1-shin, si zgjidhje për ta, për ekonominë e tyre, për familjet e tyre, për Korçën dhe të gjithë Shqipërinë”,-tha Noka./CNA