web counter
LEXO PA REKLAMA!

SHKARKO APP

App Store
Google Play

E fundit!

x

Problemet gjyqësore për pronat/ Shkullaku: Ekzekutivi ka ndërhyrë te gjyqësori, Rama ka sulmuar

6 Tetor 2025, 21:47, Politikë CNA

Problemet gjyqësore për pronat/ Shkullaku: Ekzekutivi ka

Gazetari Armand Shkullaku akuzoi sot ekzekutivin se ndërhyn dhe sulmon gjyqësorin edhe pse nuk është pjesë e rolit të vet.

I ftuar në ‘Syri Tv’, Shkullaku u shpreh se problemet gjyqësore për pronat që zhvillohen prej vitesh në Shqipëri janë të gjitha pjesë e bindjes dhe veprimit të gjyqtarëve, një pjesë e të cilëve janë ata që përmenden nga kryeministri Edi Rama.

Shkullaku tha se drejtësia nuk duhet të jetë një armë tjetër për të goditur kundërshtarin sipas konjukturave.

“Kemi raste kur është kërkuar të sekuestrohen, të shemben prona, të konfiskohen prona. Gjyqtarët kanë vepruar sipas bindjes dhe vendimit të tyre, që ua njeh ligji dhe kryeministri ka dalë dhe ka thënë që kjo është kriminale, po rrëmbejnë të drejtën e qytetarëve, po legalizojnë prona në mënyrë të padrejtë. Nuk është ky roli i ekzekutivit.

Ndoshta jemi i vetmi vend, kur shkatërrohet një pronë me vlerë të jashtëzakonshme dhe mbasi shkatërrohet, çështja shkon në gjykatë. Vetëkuptohet se gjyqtarit do të thotë se, s’kam çfarë gjykoj, se fakti është shembur. Deri këtu ka shkuar ndërhyrja e ekzekutivit në çështje që i takonin gjykatave.

Ne kemi bërë një reformë në drejtësi e cila ka synuar më shumë aspektin spektakolarë, për të treguar se këtu do dënohen të paprekshmit, një reformë e financuar nga ndërkombëtarët për t’i dhënë politikës në Shqipëri, një armë tjetër për të goditur kundërshtarin sipas konjukturave”,-tha Shkullaku./CNA

 





Lajmet e fundit nga