web counter
LEXO PA REKLAMA!

SHKARKO APP

App Store
Google Play

E fundit!

x

“Po shkojmë drejt ngujimit në bulevard”/ Berisha: E gjithë Europa dhe bota po pret protestën tonë

2 Shkurt 2026, 14:15, Politikë CNA

Kreu i PD-së, Sali Berisha, në mbledhjen me Grupin Parlamentar ka deklaruar se opozita do të shkojë drejt ngujimit në bulevard. Berisha theksoi se gjithçka është në duart e qytetarëve.

Nër të tjera, Berisha u shpreh se e gjithë Europa dhe bota po presin për protestën e opozitës.

“Janë me qindra qytetarë që më shkruajnë dhe më thonë se nuk duhet të largohemi nga bulevardi pa larguar Edi Ramën. Ne drejt asaj do të shkojmë. Të themi të vërtetën.

Ne drejt asaj do të shkojmë në mënyrë të pashmangshme, në mënyrë të sigurt. Ndaj dhe pikërisht ky moment duhet të jetë çështje e diskutimit tonë të gjerë me qytetarët, me mbështetësit tanë, me anëtarët tanë dhe popullin opozitar.

Galeria e Ergys Agasit, është galeria më e shëmtuar e shtetit. Ajo do të hyjë në histori si dëshmia më e tmerrshme e degradimit, degjenerimit total të organizatës kriminale që quhet rilindje.

Kjo vetëm e vetëm se Agasi ishte Rama, jo për arsye tjetër. Pse çfarë ishte Agasi? Ishte Rama që vriste pam-pam-pam. Ishte Rama që përdorte oficerët e policisë për të ekzekutuar në mes të sheshit, të aeroportit të Tiranës.

Ishte Rama që urdhëronte të dërgoheshin te Suel Çela pengjet e marra për t’ua thyer kockat atje, që të hiqnin dorë nga tenderët. Ishte Rama që bën që të jetë i lirë sot. Ergys Agasi jep urdhra njëlloj si më parë. Njëlloj. Po, absolutisht.

Përcakton, merr vendime se është Rama. Se normalisht, ai duhet të jetë në burg. Përkundrazi, atë e mbron 'Ergysi' i policisë që quhet Ilirjan Proda, përfaqësues kryesor i karteleve.

Pra, që të mos e zgjasim më tej, gjithçka është në duart e qytetarëve. Gjithçka është në duart e të rinjve shqiptarë, e studentëve, e të rinjve punëtorë, e gjimnazistëve.

Dhe unë kam shumë besim. E gjithë Europa pret protestën tonë. E gjithë bota pret protestën tonë. I kanë përcjellë protestat me simpatinë më të madhe, me vlerësimin maksimal.

Ndaj dhe ne do të vazhdojmë misionin, misionin e përmbysjes së kësaj narkodiktature dhe rikthimin e votës së lirë për shqiptarët”, u shpreh Berisha./ CNA





Lajmet e fundit nga