web counter
LEXO PA REKLAMA!

SHKARKO APP

App Store
Google Play

“Rama duhet të kishte ikur”/ Paloka: Opozita po tregon forcën e vet përmes protestave

30 Janar 2026, 21:18, Politikë CNA

“Rama duhet të kishte ikur”/ Paloka: Opozita po tregon

Deputeti demokrat, Edi Paloka deklaroi sot se qëllimi kryesor i protestës së opozitës është tregimi i forcës përmes pjesëmarrjes.

Në një studio televizive, Paloka u shpreh se situata politike e kryeministrit Edi Rama është e rëndë dhe se duhet të ishte larguar nga detyra prej kohësh.

Sipas demokratit, qytetarët duhet të marrin pjesë në protestë për veten, jo për deputetët apo PD-në.

“Qëllimi kryesor i protestës e kemi deklaruar tashmë është tregimi i forcës përmes pjesëmarrjes dhe sigurisht protesta ka dhe element të tjerë ku diku nxiten dhe diku janë qytetarët që i nxisin.

Në protestën e fundit pati nga policia dhunë të panevojshme që ndryshe nga herët e tjera mu duk më shumë ndjenjë frike sesa ndjenjë arrogance.

Përdorimi i dhunës në mënyrë të panevojshme ishte më tepër një tregues i frikës sesa i forcës dhe kjo lidhet dhe me situatën ku është qeveria dhe vetë Rama sot.

Vërtet Rama është i rënë, në mënyrë figurative prej kohësh, pasi asnjë qeveri tjetër në botën demokratike nuk do të kishte mbijetuar me të gjithë këto skandale.

Realisht këtë herë, situata e Ramës është shumë e rëndë.

Prej kohësh Rama duhet të kishte ikur, por gjithmonë i ka kaluar situatat. Tani duket se ka mbetur mes zjarreve, është nën shumë zjarre dhe shumë prej tyre i ka ngritur vetë.

Rama nuk ikën ndryshe veçse me protesta dhe me forcë. Sot ai tha se me forcë nuk më merrni. Në fakt Rama me vullnet të mirë nuk jep asgjë e askujt. E vetmja mënyrë është imponimi, forca.

Domosdoshmërisht, opozita i ka shtrirë dorën popullit pasi kjo nuk është betejë vetëm e opozitës dhe ca më tepër e PD, është beteja e gjithë shqiptarëve.

Kur ballafaqohen me problemet e përditshme, jeta është bërë e padurueshme dhe në këtë aspekt ju kemi shtrirë dorën.

Përfitoj nga kjo të them se nuk bëhen protestat për ne, për Berishën, për deputetët, bëhet për ju, ndaj duhet të vini në protestë.

Përveç protestës së fundit, vërtet ky i mban në presion qytetarët por ka një moment kur zemërimi bëhet më i madh se frika, dhe këtë zemërim e pashë tek të rinjtë. Ky ishte ndryshimi mes protestave të shkuara, pashë një grint të të rinjve, donin të përplaseshin, si ai djali me çadër që ndiqte policin.

Rama nuk njeh formë tjetër veç forcës. Forca tregohet jo vetëm me dhunë, por kur flitet për revoltë, nuk mund të flasim për kalim shëtitje, dy tre fjalime. Kjo nuk është protestë, por manifestim. Unë e kam thënë mendimin tim. Pashë që kishte shpirt, zemërimi kishte arritur kulmin. Unë e ndjeva këtë”,-tha Paloka./CNA

 

 





Lajmet e fundit nga