web counter
LEXO PA REKLAMA!

SHKARKO APP

App Store
Google Play

“Parlamenti, si në 1997”/ Krasniqi: Vepron si noter i qeverisë, mund të votohet gjithçka

29 Janar 2026, 21:55, Politikë CNA

“Parlamenti, si në 1997”/ Krasniqi: Vepron si noter i

Politologu Afrim Krasniqi tha sot se parlamenti shqiptar ndodhet në të njëjtën situatë si në vitin 1997.

I ftuar në A2 CNN, Krasniqi u shpreh se parlamenti po vepron jo thjesht si noter i qeverisë, por edhe si një strukturë që ka hequr dorë nga roli i vet.

Sipas politologut, ka rënë interesi ndaj seancave plenare, në të cilat deputetët mund të votojnë gjithçka.

“Jam i shqetësuar për atë që po ndodh aty. Parlamenti është në një situatë si në 1997, ku një parti ka numra të panevojshëm në Parlament, mund të votojë gjithçka. Parlamenti ynë nuk po vepron thjesht si noter i qeverisë, por po vepron si një strukturë që ka hequr dorë nga roli i tij dhe ky është shqetësimi më i madh. Çfarë kuptimi ka që gjysma e seancave mbarojnë pas mesnatës, kur askush nuk ka interes për t’i ndjekur. Në demokraci, qytetarëve duhet t’u ofrosh një mekanizëm me të cilin të monitorohesh dhe të jesh i kontrolluar. Parlamenti e ka për detyrë këtë dhe ne kërkojmë vetëm që të bëjnë transparencë për vendimet”,-tha Krasniqi./CNA





Lajmet e fundit nga