E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Qëndrim politik mbi reformën zgjedhore!

2 Shkurt 2026, 14:02, Politikë CNA

Partia Lëvizja e Legalitetit ka mbajtur një qëndrim politik mbi reformën zgjedhore.

Sipas saj, roli kyç për realizimin e kësaj reforme i takon opozitës parlamentare dhe veçanërisht Partisë Demokratike, e cila disponon peshën vendimtare në komisionet parlamentare për reformën zgjedhore dhe nesër në procesin e votimit në Kuvend.

Partia Lëvizja e Legalitetit shprehet se çdo subjekt politik opozitar që kërkon ndryshimin e Kodit Zgjedhor duhet të bashkohet në një front të përbashkët politik, sipas propozimeve të veta, për të imponuar ndryshime reale nëpërmjet PD-së.

"Qëndrim politik mbi reformën zgjedhore!. Opozita shqiptare ndodhet përballë një përgjegjësie historike. Ndërsa aksioni politik, çdo lloj proteste opozitare, është mjet demokratik dhe sot domosdoshmëri për të denoncuar dhe delegjitimuar një qeverisje të zhytur në korrupsion, krim dhe kapje të shtetit, ndryshimi real politik në Shqipëri do të të vijë më në fund përmes zgjedhjeve të lira dhe të ndershme.

Në kushtet aktuale, me këtë qeveri dhe me këtë Kod Zgjedhor, zgjedhjet e lira janë të pamundura. Prandaj, reforma zgjedhore nuk është një çështje teknike, por një domosdoshmëri politike dhe demokratike.

Roli kyç për realizimin e kësaj reforme i takon opozitës parlamentare dhe veçanërisht Partisë Demokratike, e cila disponon peshën vendimtare në komisionet parlamentare për reformën zgjeshore dhe nesër në procesin e votimit në Kuvend.

Lidhur për sa më sipër çdo subjekt politik opozitar që kërkon ndryshimin Kodit Zgjedhor duhet të bashkohet në një front të përbashkët politik, sipas propozimeve të veta, për të imponuar ndryshime reale nëpërmjet PD.

Nga ana e saj, Partia Demokratike duhet të artikulojë, sa më parë, qartë dhe publikisht:

Cilat janë ndryshimet konkrete që ajo parashikon të kërkojë në Kodin Zgjedhor dhe cila do të jetë vija e saj e kuqe në raport me Partinë Socialiste, në lidhje me ndryshimet e kërkuara, gjatë procesit të miratimit me votim.

Pa një reformë zgjedhore të vërtetë, çdo aksion politik mensojmë se do të mbetet pa produktin e duhur, ndërsa demokracia shqiptare do të vazhdoj të mbahet peng nga një sistem i deformuar", thuhet në reagim./ CNA