web counter
LEXO PA REKLAMA!

SHKARKO APP

App Store
Google Play

Përçau demokratët/ Basha: Nuk jam bërë pishman për përjashtimin e Berishës

20 Nëntor 2024, 22:09, Politikë CNA
Përçau demokratët/ Basha: Nuk jam bërë pishman
Lulzim Basha

Lulzim Basha nuk shfaq shenja pendese pasi përjashtoi Sali Berishën nga Grupi Parlamentar i PD-së, në 9 shtator të 2021. Me atë vendim, Basha thelloi përçarjen mes demokratëve, ndërsa për sa kohë ishte në krye të partisë e çoi forcën më të madhe opozitare nga humbja në humbje. Pavarësisht kësaj, Basha thotë se nuk është bërë pishman për përjashtimin e Berishës, pasi sipas tij vendimin e mori me sakrificë të madhe për interesin publik.

“Si mund të bëhem pishman për një vendim të cilin e kam marrë me sakrificë të madhe për një interes të madh publik dhe politik. Sigurisht pishman duhet të bëhen ata të cilët kanë vendosur interesin e tyre personal, mbi interesin publik, mbi interesin e demokratëve dhe duke bërë këtë kanë vendosur edhe mbi interesin e Shqipërisë”, u shpreh ai.

Teksa Basha asokohe mori një vendim pa pyetur asnjë forum të partisë, ai vijoi të thotë se ka zhvilluar biseda me Berishën, edhe pse ky i fundit e ka cilësuar vendimin e 9 shtatorit si një qëndrim personal të Bashës, të pakonsultuar.

“Ky vendim nuk ka ardhur nga sot nesër, siç është tashmë publikisht e njihur. Unë kam qenë në një proces bisedash të gjata me zotin Berisha, që ka zgjatur pothuajse tre muaj, në përpjekje për të gjetur një zgjidhje e cila nuk do të dëmtonte Partinë Demokratike në një moment tejet delikat. Kam pasur momente që kam qenë i bindur që po i afroheshim një vendimmarrjeje që do të pranonte vendosjen e interesave personale nën interesat e mëdha politike të PD-së dhe të Shqipërisë. Por për fat të keq një moment i till nuk u arrit derisa unë u detyrova të marr vendime që mora në 9 shtator”, deklaroi ai.

Tradhtinë ndaj Berishës dhe demokratëve, Basha e justifikon me atë që e cilëson interes publik, që prevalon mbi atë personal, edhe pse me përjashtimin e Berishës, Bashamendoi vetëm për karrigen e tij personale./ CNA





Lajmet e fundit nga