web counter
LEXO PA REKLAMA!

SHKARKO APP

App Store
Google Play

Vrasja e 14-vjeçarit/ Rama merr masa: Do të diskutojmë mbylljen e "TikTok"-ut

20 Nëntor 2024, 12:52, Politikë CNA

Vrasja e 14-vjeçarit/ Rama merr masa: Do të diskutojmë mbylljen

Kryeministri Edi Rama, pas mbledhjes së qeverisë, ka dhënë njoftime të rëndësishme në lidhje me masat që po ndërmerren pas vrasjes së 14-vjeçarit pranë shkollës "Fan Noli".

Rama tha se qeveria është në dilemë dhe do të diskutohet nëse do të mbyllet "TikTok"-u dhe "Snapchat" në të gjithë Republikën e Shqipërisë.

“Shumë shtete po përpiqen të vendosin filtra mbrojtës, por ende pa ndonjë rezultat.

Ne jemi angazhuar për këtë problematikë duke ndjekur hap pas hapi çfarë bëjnë vendet e tjera për të gjetur zgjidhjen për të ulur këtë presion.

Përtej përpjekjeve dhe debateve lidhur me nismat problemi i hapur mbetet mungesa e sistemit të zbatimit të tyre si rezultat i vështirësisë së aspektit teknik. Dilema jonë si qeveri është nëse duhet të prodhojmë dhe ne të ecim në drejtim të filtrave ku mësojmë se efektiviteti i tyre është i ulët ndërkohë që bullizimi rritet apo të ndërmarrim masa drastike për mbylljen e plotë të “TikTok” dhe “Snapchat” në Shqipëri.

Do ta hedhim për një diskutim të gjerë. Do angazhohen të gjitha shkollat për të marrë një vendim sa më demokratik për një problematikë kaq të madhe”, tha Rama./ CNA

 





Lajmet e fundit nga