web counter
LEXO PA REKLAMA!

SHKARKO APP

App Store
Google Play

E fundit!

x

Boçi, akuza qeverisë nga protesta/ "Ka keqpërdorur pensionistët"

19 Nëntor 2024, 18:57, Politikë CNA

Boçi, akuza qeverisë nga protesta/ "Ka keqpërdorur

Nënkryetari i PD-së, Luçiano Boçi, ka folur në protestën para Parlamentit, të thirrur nga opozita.

Boçi tha se fokusin e protestës e kanë vendosur tek pensionistët, të cilët sipas tij janë keqpërdorur gjatë qeverisjes së Edi Ramës.

Ai deklaroi se qeverisja u ka marrë të ardhurat dhe nuk i jep pensionistëve aq sa meritojnë për të përballuar jetën.

“Sot është një tubim ku janë thirrur pensionistët që të shprehin zemërimin dhe revoltën e tyre për mënyrën si i ka trajtuar qeveria përgjatë këtyre viteve dhe se si vepron sot me hallet, problemet me jetët e tyre.

Ata duan që jeta e tyre të mos jetë një kalvar vuajtjesh që siç ka qenë deri tani, duan qetësi, duan siguri dhe këtë gjë kjo qeverisje ua ka marrë dhe madje nuk ua jep në masën që e meritojnë dhe që u duhet që të përballojnë jetën.

Mirë që i ka marrë fëmijët këtyre pensionistëve dhe i ka degdisur jashtë Shqipërisë, por u merr çdo ditë të ardhurat, i vendos në vështirësi.

Një pjesë e tyre duket sikur e presin atë fundin mezor që t’i vijë sepse duan që të heqin dorë nga vuajtje që i shkakton kjo qeverisje.

Jam i bindur se këta pensionistë që janë keqpërdorur në këto vite do japin reagimin e tyre në zgjedhje. Ata janë ata që votojnë, jo me tifo zëri politike, por duke parë vështirësitë  jetës në familjet dhe fëmijët e tyre”, theksoi drejtuesi politik i qarkut të Shkodrës./ CNA





Lajmet e fundit nga