web counter
LEXO PA REKLAMA!

SHKARKO APP

App Store
Google Play

PD, tjetër kërkesë Gjykatës Kushtetuese/ “Pezulloni urgjentisht marrëveshjen për emigrantët”

11 Dhjetor 2023, 16:25, Politikë CNA

PD, tjetër kërkesë Gjykatës Kushtetuese/ “Pezulloni

Grupi Parlamentar i Partisë Demokratike, i përfaqësuar nga Gazment Bardhi, dorëzoi në datën 6 dhjetor një kërkesë në Gjykatën Kushtetuese, ku kërkohej pezullimi i marrëveshjes së emigrantëve me Italinë.

Këtë të hënë, PD i ka dërguar një tjetër shkresë Gjykatës Kushtetuese.

Demokratët duan që të shqyrtohet urgjentisht kërkesa e tyre, pasi theksojnë se në 14 dhjetor mazhoranca do ta kalojë marrëveshjen për votim në Kuvend.

“Marrëveshjet ndërkombëtare i nënshtrohen kontrollit nga Gjykata Kushtetuese përpara ratifikimit të tyre. Mazhoranca socialiste, edhe pse ka një kërkesë për kontrollin e kushtetutshmërisë, duke shfrytëzuar heshtjen e çuditshme të Gjykatës Kushtetuese, po shqyrton me procedurë të përshpejtuar marrëveshjen me Italinë dhe në kundërshtim me kalendarin e miratuar nga Konferenca e Kryetarëve parashikon miratimin e saj në seancën e datës 14 Dhjetor 2023.

Sot kam ripërsëritur për herë të tretë kërkesën drejtuar Gjykatës Kushtetuese për pezullimin e procedurës parlamentare për ratifikimin e marrëveshjes. Gjykata Kushtetuese duhet të sillet si e tillë dhe jo si shtojcë pa vlerë e Qeverisë së Edi Ramës. Marrja në shqyrtim paraprak menjëherë e kërkesës së opozitës është detyrim që buron nga Kushtetuta dhe Ligji për Gjykatën Kushtetuese! E kundërta është atentat ndaj shtetit ligjor dhe minon përfundimisht besimit tek Gjykata Kushtetuese”, thuhet në shkresë./ CNA





Lajmet e fundit nga