Parashikimi i Berishës: Kartelet e drogës do të kenë përfaqësuesit e tyre edhe në delegacionet e BE-së

16 Korrik 2025, 13:42, Politikë CNA

Parashikimi i Berishës: Kartelet e drogës do të kenë

Kreu i PD-së, Sali Berisha, në fjalën e tij në konferencën "The Western Balkans Paradigm", është shprehur se sipas DASH, Shqipëria është kthyer në qendrën operacionale të organizatave kriminale të Europës, të Amerikës Latine dhe të Lindjes së Mesme.

Sipas Departamentit të Shtetit, qendra operacionale e organizatave kriminale të Europës, të Amerikës Latine dhe të Lindjes së Mesme është kthyer Shqipëria.

Berisha tha se kartelet e drogës do të kenë përfaqësuesit e tyre edhe në delegacionet e BE-së, për shkak të lidhjeve të forta me Kryeministrin Edi Rama.

“Sipas Departamentit të Shtetit, qendra operacionale e organizatave kriminale të Europës, të Amerikës Latine dhe të Lindjes së Mesme është kthyer Shqipëria.

Shqipëria eksporton kriminelë dhe drogë.

Kartelet e drogës janë kaq të fuqishme sa ato e kanë në kontroll të plotë portin më të madh të vendit, Durrësin.

Asnjë kilogram kokainë nuk kapet në këtë port, ndërkohë që antimafia italiane kap tonelata drogë dhe identifikon se tonelata të tjera kalojnë përmes Durrësit për të shkuar drejt Italisë apo Gjermanisë.

Karteli Çela kontrollon qarkullimin e heroinës nga vendet lindore, 70 për qind kalojnë përmes Elbasanit.

Elbasani është kryeqyteti i kartelit Çela dhe kontrollon të gjithë qarkullimin.

Tani cilat janë pasojat?

Në delegacionin e radhës në BE, në qoftë se këto kartele vendosin që përfaqësuesit e tyre të jenë pjesë e delegacioneve në Këshillin e Stabilizimit, në Këshillin e Europës dhe në agjencitë e tjera.

Pse? Sepse ato kanë qenë shumë aktivë gjatë zgjedhjeve.

Kandidatët e tyre kanë marrë shumicën e votave, njerëz tërësisht të panjohur, por ata caktojnë ministrat, caktojnë kandidatët për deputetë, caktojnë drejtorët e policisë sepse kanë lidhje të drejtpërdrejta dhe të forta me kryeministrin Edi Rama.

Personi që ju e shikoni nga jashtë si një xhentëlmen që bën disa gjeste shumë të bukura në samite, bën një jetë të dyfishtë.

Ai ka jetën e vet me kartelet, me trafikantët e drogës dhe me vrasës me të cilët takohet në zyrën e tij dhe gjithçka është e dokumentuar.

Tani, ne u jemi shumë mirënjohës PPE-së, partive simotra të qendrës së djathtë që kanë votuar 6 rezoluta brenda disa muajsh dhe thonë në thelb këtë që po ju përcjell unë.

Dhe ju keni të drejtë kur thoni se cili është roli i politikanëve në një situatë të tillë.

Politikanët kanë për detyrë të ruajnë parimet, vlerat. T’u thonë të vërtetën shqiptarëve dhe komunitetit ndërkombëtar pavarësisht kërcënimeve dhe çmimit dhe të jenë shpresëplotë për një ndryshim në të ardhmen dhe për ndihmën e miqve.

Para një muaji, Agjencia Kombëtare e Prokurimit njoftoi me krenari se 96 për qind e prokurimeve bëhen nga shqiptarët. Në përkufizim në kundërshtim me MSA, kompanitë europiane janë të përjashtuara.

Si përjashtohen? Përjashtohen përmes portalit e-Albania sepse u kërkohet të aplikojnë aty, e-Albania kërkon 38 ditë, kurse tenderët mbyllen për 34 ditë dhe jo 38 ditë.

Pra, me këtë situatë përballemi.

Prandaj qendra Martens dhe PPE po ndihmojnë fuqishëm kundër.

Qëndrimi ynë ndaj kësaj situate të tillë dramatike është mjaft i vështirë”, tha Berisha./ CNA