web counter
LEXO PA REKLAMA!

SHKARKO APP

App Store
Google Play

E fundit!

x

“Reforma majdanozi dhe koperi”/ Eksperti i ekonomisë: Rama do të largojë vëmendjen

15 Korrik 2025, 09:31, Politikë CNA

“Reforma majdanozi dhe koperi”/ Eksperti i ekonomisë: Rama do

Eksperti i Çështjeve të Ekonomisë, Dorian Teliti, ka komentuar aksionin e kryeministrit Edi Rama, në lidhje me lirimin e hapësirave publike.

Sipas tij, Rama do të heqë vëmendjen nga diçka dhe po merret me gjërat e vogla.

"Reforma majdanozi, reforma koperi të rozmarinës. Ka diçka prej së cilës kryeministri do që të heqë vëmendjen, nuk e di se ç’po ndodh, ndoshta do ta marrim vesh në ditët në vijim, ka diçka së cilës kryeministri mundohet t’i heqë vëmendjen e të merret me këto cicërimat e vogla.

Shiko, që ne kemi problematika me sigurinë ushqimore, nuk diskutohet, por ta nisë kryeministri dhe qeveria që nga pesticidet që përdoren në sektorin e bujqësisë, jo nga një grusht njerëzish që ju imponohen, madje edhe bujqve dhe fermerëve me cilësinë skandaloze dhe me çmimet më të larta në rajon.

Le të merret kryeministri me problematika, se si është e mundur që sot kemi përgjysmim me numrin e krerëve në Shqipëri, pastaj të merret me qumështin.

Patjetër që siguria ushqimore është e rëndësishme, ka të bëjë me jetën e njeriut, por kujtohesh një ditë të bukur të thuash se qenka qumështi problem në këtë vend, apo rigoni i asaj plakës që u shpërnda nëpër rrjete sociale, ku e pyeste tatimorja se ku e ke faturën. E mora ë mal, thoshte ajo. Ku ta merrte ajo e shkreta faturën atje?!

Nuk është hera e parë që ndodh kjo gjë, kemi parë dhe herë të tjera kur vjen policia bashkiake e merr arkat me domate, patëllxhana apo kastraveca ku fshatari ka punuar gjithë vitin për të arritur tek ai produkt, këta vijnë e marrin dhe ia konfiskojnë.

Dje bënë këtë, sot bënë këtë tjetrën në emër të sigurisë ushqimore, ndoshta nesër dhe në emër të dikujt tjetër, e këto janë pamje të trishta, nuk duhet t’i shikojmë.

Nëse duan të flasin për sigurinë ushqimore, duhet marrë te pjesa se si është e mundur që na hyri pula me salmonelë? Nuk foli njeri për një muaj e ca derisa u konsumua pula nga shqiptarët.

Nga ky aksion nuk fiton shqiptari, as fermeri, fiton ai grushti i importuesit. Çfarë ka bërë shteti për sigurinë ushqimore? Ku janë laboratorët e shtetit?", tha Teliti./ CNA





Lajmet e fundit nga