web counter
LEXO PA REKLAMA!

SHKARKO APP

App Store
Google Play

Prishja e ndërtimeve pa leje/ Berisha: Nuk ekziston asnjë pëllëmbë "tokë e xanun" në Theth

14 Korrik 2025, 12:53, Politikë CNA
Prishja e ndërtimeve pa leje/ Berisha: Nuk ekziston asnjë
Sali Berisha

Kreu i PD-së, Sali Berisha, në një deklaratë për mediat, është shprehur se kryeministri Edi Rama përdori praktikat më të ulëta morale, përdori pafytyrësinë dhe pabesinë më të madhe për të realizuar një projekt shkatërrimtar në Theth.

Berisha deklaroi se në Theth nuk ka asnjë pëllëmbë "tokë të xanun" në Theth, pasi banorët e kanë trashëgimi shekullore nga paraardhësit e tyre.

Ndër të tjera, Berisha thekson se armiqësia e Ramës ndaj banorëve të Thethit i tejkalon të gjitha armiqësitë.

“Armiqësia e Ramës tejkalon të gjitha armiqësitë. Rama përdori praktikat më të ulëta morale, pafytyrësinë dhe pabesinë më të madhe për të realizuar një projekt shkatërrimtar për banorët, një projekt mafioz, antishqiptar, hakmarrës, primitiv.

Shqiptarët duhet të dinë se në Theth absolutisht nuk ekziston asnjë pëllëmbë 'tokë e xanun'.

Tokën ata e kanë trashëgimi shekullore të paraardhësve dhe nuk kanë marrë asnjë pëllëmbë tokë të askujt.

Pra, Rama kreu një aksion urrejtjeje të papërmbajtur ndaj njerëzve që kishin shfrytëzuar pronën e tyre për të ndërtuar, meqë në një seri deklaratash i kishin garantuar se do të legalizohen, pasi u kishte kërkuar të ftojnë njerëzit nga emigracioni të vijnë dhe të investojnë Theth.

Rama u sul ndaj Thethit si një shkatërrim, shfrytëzoi pabesinë dhe mashtrimin”, tha Berisha./ CNA





Lajmet e fundit nga