web counter
LEXO PA REKLAMA!

SHKARKO APP

App Store
Google Play

Urdhri i Ramës për bashkitë/ Nisin lëvizjet në Shkodër, ja çfarë ndodh me Pukën dhe Fushë-Arrëzin

14 Korrik 2025, 19:26, Politikë CNA

Urdhri i Ramës për bashkitë/ Nisin lëvizjet në

Urdhri i kryeministrit Edi Rama për rifreskim të stafeve vendore ka vënë në lëvizje bashkitë e Qarkut Shkodër. I menjëhershëm ka qënë reagimi i Bashkisë Shkodër, ku kryebashkiaku Benet Beci ka mbledhur pasditën e sotme drejtorët dhe administratorët vendor. Dorëheqje ka patur edhe në Bashkinë Malësi e Madhe.

Burime nga Bashkia Malësi e Madhe, bëjnë me dije se kanë dhënë dorëheqjen administratorët e njësive administrative dhe 2 zëvendëskryetarët e bashkisë. Mësohet se pas dorëheqjeve të depozituara, do të kryhet një analizë e detajuar për performancën e secilit nga drejtuesit.

Pas saj, do të merren edhe vendimet për miratimin ose jo të dorëheqjeve të paraqitura sot.

Në bashkinë e Vau-Dejësit është parashikuar që mbledhja urgjente të jetë paraditën e së martës ku do të ketë ndryshime në radhët e drejtorëve dhe administratorëve.

Ndryshe është situata në Bashkitë e djathta të Pukës dhe Fushë Arrëzit. Kryebashkiakët atje nuk kanë kërkuar apo planifikuar ndryshime, duke mos plotësuar kështu porositë e kryeministrit, i cili duket se urdhrat më së shumti i ka për bashkitë e majta./CNA





Lajmet e fundit nga