E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Paketa e PD-së për gratë/ Teliti: Përjashtim i përjetshëm nga tatimi për nënat me më shumë se tre fëmijë

9 Mars 2025, 09:55, Politikë CNA

Paketa e PD-së për gratë/ Teliti: Përjashtim i

Koordinatori për programin ekonomik në PD Dorjan Teliti, ka prezantuar programin e Partisë Demokratike për mbështetjen dhe fuqizimin e gruas.

Teliti përmes një postimi në rrjetet sociale është shprejur se fuqizimi i gruas është themeli i një shoqërie të forte.

Programi parashikon mbështetjen e grave sipërmarrëse përmes heqjes së tatim-fitimit vitin e parë të bzinesit dhe subvencionimin nga shteti të sigurimeve shoqërore dhe shëndetësore për sipërmarrëset dhe stafin për 6 muaj.

"Fuqizimi i gruas, themeli i një shoqërie të fortë!

Sali Berisha dhe Partia Demokratike angazhohen për më shumë mundësi për gratë dhe familjet shqiptare, duke i vendosur ato në qendër të zhvillimit ekonomik dhe social.

Në programin tonë për gratë sipërmarrëse :

Heqje e tatim-fitimit për vitin e parë për gratë që hapin një biznes.

Subvencionim i sigurimeve shoqërore dhe shëndetësore për 6 muajt e parë për gratë sipërmarrëse dhe stafin e tyre, me kusht që minimumi 50% e stafit të jenë gra apo të rinj nën 30 vjeç.

Edukim, trajnime dhe promovim për gratë sipërmarrëse dhe artizane, duke krijuar më shumë hapësira për suksesin e tyre", shkruan Teliti.

Në programin ekonomik për gruan parashikohet edhe përjashtimi nga tatim fitimi përjetësisht i grave me më shumë se 4 fëmijë.

Pjesë e paketës janë edhe bonuset e bebeve dhe leja e plotë e lindjes për 365 ditë.

Bonuset e bebeve parashikohen të variojnë nga 1000 euro-5000 euro dhe fëmija do mbështetet deri në moshën 23-vjeçare.

"Mbështetje për nënat dhe familjet:

Përjashtim të përjetshëm nga tatimi mbi të ardhurat për çdo nënë me 3 fëmijë ose më shumë dhe për bashkëshortin nëse familja ka 4 fëmijë ose më shumë.

Leje lindjeje me përfitim financiar të plotë të garantuar për 365 ditë.

Bonusi i lindjes:

1,000€ për fëmijën e parë.

2,000€ për fëmijën e dytë.

3,000€ për fëmijën e tretë.

5,000€ për fëmijën e katërt e më shumë fëmijë

Buxheti i shtetit do përballojë deri në moshën 23-vjecare kostot e fëmijës së tretë apo më shumë.

Fuqizimi i gruas është fuqizimi i familjes dhe i gjithë vendit! Më shumë mbështetje për gratë, më shumë mundësi për një Shqipëri që përparon", shkruan Teliti/CNA