web counter
LEXO PA REKLAMA!

SHKARKO APP

App Store
Google Play

“Na kërcënojnë me vendet e punës”/ Lapaj: Kërkojmë hapjen e garës, ky sistem meriton të shembet

30 Tetor 2023, 10:42, Politikë CNA

“Na kërcënojnë me vendet e punës”/ Lapaj:

Themeluesi i lëvizjes “Shqipëria Bëhet”, Adriatik Lapaj, ka komentuar aksionet e SPAK-ut, duke treguar dhe mbështetjen e hapur ndaj Prokurorisë së Posaçme.

Lapaj thekson se pas 32 vitesh, po i kërkohet llogari politikës.

“E keni vënë re se si në ekranet e televizoneve këto ditë janë shqetësuar se pse SPAK-u po fillon më në fund pas 32 viteve të lëvizë e të mundet të kërkojë llogari? E keni vënë re se janë shqetësuar të gjithë, a thua jetojnë në Norvegji dhe këtu politika nuk ka bërë mëkat. Mbështetje pa kufi për Strukturën e Posaçme Antikorrupsion.

Kuçova ka naftë. Më thoni çfarë përfitoni ju nga nafta e Kuçovës? Fitoni ndotje, fitoni pasurinë e atyre që pasurohen e bëjnë pushime jashtë shtetit. Po fëmijët tuaj ngelin në emigrim, vazhdojnë ikin me gomone, fëmijët tuaj nuk zgjohen në shtëpitë tuaja, dhe kjo duhet të ndryshojë  se pasuritë e këtij vendi nuk duhet të shkojnë për një pakicë njerëzish.  Këtu ka fermerë, më thoni ju çfarë fitojnë fermerët sot? Ku shkojnë paratë e rimbursimeve? Në 5 duar? Tek ata që i bëjnë votat përmes dhunës, përmes blerjes së votave, ata të cilët janë shkaku pse fëmijët tuaj ikin në emigrim, e kjo duhet të ndryshojë”, ka thënë Lapaj.

Më tej ai nënvizon se duke pasur parasysh të gjitha këto problematika, po kërkojnë bashkim kombëtar, për hapjen e garës dhe të udhëhiqen nga më të mirët.

Lapaj deklaron se kërkon depolitizimin e administratës zgjedhore dhe se ky sistem meriton të shembet e të marrë fund.  

“Jemi sot këtu për të kërkuar një bashkim të madh kombëtar, për të kërkuar hapjen e garës, e të na udhëheqin më të mirët. Po pse e kemi marrë këtë rrugë? Ju e dini mirë sa e vështirë është sot të flasësh të vërtetën tënde, e jo më të përballesh me këta.  E kemi marrë këtë rrugë se ne kërkojmë depolitizimin e administratës zgjedhore. Guxojnë edhe të na kërcënojnë me vendet e punës apo kemp për invaliditet, dhe vetëm për këtë ky sistem meriton të shembet e te marrë fund”, ka deklaruar Lapaj./ CNA

 





Lajmet e fundit nga