web counter
LEXO PA REKLAMA!

SHKARKO APP

App Store
Google Play

Murrizi sfidon SPAK-un/ “Nuk e ndalon dot Berishën, e çoj unë me skaf nga Divjaka në Barcelonë”

29 Tetor 2023, 13:19, Politikë CNA
Murrizi sfidon SPAK-un/ “Nuk e ndalon dot Berishën, e çoj
Ish-deputeti Myslim Murrizi

Ish-deputeti Myslim Murrizi ka sfiduar SPAK-un, pasi caktoi masën e sigurisë “detyrim paraqitje” dhe i bllokoi daljen jashtë territorit të Shqipërisë.

Murrizi tha në një intervistë me Thimi Samarxhiun se SPAK mori një masë poshtëruese për Berishën, por theksoi se kjo nuk e ndalon dot ish-kryeministrin të dalë nga Shqipëria.

Ish-deputeti theksoi se mund ta dërgojë Berishën me skaf nga Divjaka në Barcelonë apo në çfarëdo destinacioni që ai të ketë dëshirë.

“Pa pasaportë ikën sa herë t’i mbushet mendja, në çdo orë të ditës kur t’i teket dhe me çfarë të ketë qejf. Unë e çoj me skaf, nga Divjaka në Barcelonë, ku të ketë qejf. Po kush do ta mbrojë Frontexi apo kufiri i Taulantit? Kush do ta mbrojë? Sali Berisha ikën kur t’i teket, por s’është nga ata që ikën. Treçereku i PD-së iku me brekë e kanatiere në '97-tën, në mes të natës, në Durrës desh u rrahën se s’kishte vend në traget, ai nuk iku. Ka qenë aty dhe nuk ka ikur dhe për hir të së vërtetës nuk është politikan që e kanë sjellë prej veshi nga emigracioni, si Rama, si Luli, si kë keni qejf ju tjetër”, theksoi Murrizi./ CNA





Lajmet e fundit nga