web counter
LEXO PA REKLAMA!

SHKARKO APP

App Store
Google Play

Miratohen buxheti dhe 8 projektligje të paketës fiskale në seancën maratonë/ Dy socialistë "dalin nga rreshti"

20 Nëntor 2025, 07:44, Politikë CNA

Miratohen buxheti dhe 8 projektligje të paketës fiskale në

Kuvendi ka miratuar në parim në një seancë maratonë projektbuxhetin 2026 dhe 8 projektligjet e paketës fiskale.

Buxheti me vlerë 8.8 miliardë euro mori 83 votat pro të mazhorancës, ndërsa opozita votoi kundër.

Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar u votua me 83 vota pro dhe 31 kundër.

Projektligji “Për disa ndryshime në ligjin nr. 92/2014, “Për tatimin mbi vlerën e shtuar në Republikën e Shqipërisë” u votua me 83 vota pro dhe 32 kundër.

Projektligji “Për disa ndryshime dhe shtesa në ligjin nr. 29, datë 30.3.2023, “Për tatimin mbi të ardhurat” u votua me 83 vota pro dhe 32 kundër.

Projektligji “Për disa shtesa në ligjin nr. 9632, datë 30.10.2006, “Për sistemin e taksave vendore”, të ndryshuar u votua me 82 vota pro dhe 32 kundër.

Deputeti socialist Erion Braçe nuk e votoi këtë projektligj.

Projektligji “Për faturën dhe sistemin e monitorimit të qarkullimit”, të ndryshuar u votua me 83 vota pro dhe 32 kundër.

Projektligji “Për marrëveshjen e paqes fiskale” u votua me 82 vota pro dhe 32 kundër.

Deputeti socialist Vullnet Sinaj nuk e votoi këtë projektligj.

Projektligji “Për rivlerësimin e pasurisë së paluajtshme” u votua me 83 vota pro dhe 31 kundër.

Projektligji “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë” u votua me 82 vota pro dhe 30 kundër.

Dhe ky projektligj nuk u votua nga socialisti Vullnet Sinaj./CNA





Lajmet e fundit nga