web counter
LEXO PA REKLAMA!

SHKARKO APP

App Store
Google Play

“Qeveria e trajton Shqipërinë me grafik dhe fjalime marketingu”/ Topalli: Buxheti i 2026 rrit korrupsionin

19 Nëntor 2025, 18:48, Politikë CNA

“Qeveria e trajton Shqipërinë me grafik dhe fjalime

Deputetja e PD-së Jozefina Topalli, gjatë fjalës së saj në Kuvend ka theksuar se kjo qeveri po e trajton Shqipërinë e sëmurë me grafik dhe me fjalime marketingu.

Topalli deklaroi se një vend nga ku qytetarët ikin është një vend që nuk rritet. Deputetja nënvizoi se një milion shqiptarë ka përzënë qeveria në vitet e fundit.

Teksa foli për buxhetin e 2026, Topalli tha se ky buxhet rrit administratën, koncesionet, luksin e qeverisë, projektet e dyshimta dhe mbi të gjitha korrupsionin.

Deputetja u shpreh se buxheti rrit mirëqenien e qeverisë por jo të shqiptarëve.

“Bujqësia është lënë jashtë çdo vizioni. Është në recension. Arsimi është në fund të çdo raporti. Shëndetësia nuk ka ilaçe për të sëmurët. Veriu i vendit është i përjashtuar nga investimet. Ku është shëndeti i shetit? Në cilën shifër e gjeni? Në cilin raport, se në jetën e qytetarëve nuk e gjeni dot.

Një vend nga ku qytetarët ikin është një vend që nuk rritet. A duan qytetarët të rrinë në vendin e tyre? Të pyesim qeverinë: A po qëndrojnë shqiptarët në vendin e tyre? Jo, një milion shqiptarë kanë përzënë në vitet e fundit. Nuk ka rritje ekonomike të një kombi që largohet. Shqipëria është vend i sëmurë që qeveria e trajton me grafik dhe fjalime me marketing.

Buxheti i 2026 rrit administratën, rrit koncesionet, luksin e qeverisë, projektet e dyshimta dhe mbi të gjitha korrupsionin.  Buxheti rrit mirëqënien e qeverisë por jo të shqiptarëve”, tha Topalli./ CNA





Lajmet e fundit nga