web counter
LEXO PA REKLAMA!

SHKARKO APP

App Store
Google Play

Meta vijon lajthitjen/ Sulmon BE-në dhe SHBA-në

1 Korrik 2024, 18:49, Politikë CNA
Meta vijon lajthitjen/ Sulmon BE-në dhe SHBA-në
Kreu i Partisë së Lirisë, Ilir Meta. Burimi, PL

Kreu i Partisë së Lirisë, Ilir Meta ka vijuar lajthitjen e tij me sulme.  

Këtë të hënë, Meta sulmoi SHBA-në dhe BE-në, duke thënë se politika e jashtme po bën eksperimente.

Ai deklaroi se duhet kthyer politika e jashtme klasike, teksa ngriti pretendimet se liderët autokratë kanë krijuar marrëdhënie korruptive.

Sipas tij, SHBA dhe BE po tregojnë interesa të ngushta dhe po e trajtojnë Ballkanin Perëndimor si një kosh për emigrantët e palligjshëm.

“Sot, edhe më shumë se dje, nevojitet rikthim urgjent në shinat e politikës së jashtme klasike, dhe jo eksperimentale apo në formatin e “biznesit për paqe”. Nevojitet njohja e realiteteve, rikthim në shtyllat e parimeve dhe forcim i kushtëzimit. Në vendet tona punohej më shumë dhe kishte më shumë përparim kur BE dhe SHBA flisnin më fort, më hapur dhe me një zë.

Reformat kuptimplota dhe të vërteta brenda secilit vend prodhuan lëvizjen pa viza drejt Europës dhe brenda rajonit, zgjeruan perimetrin e kufirit të NATO brenda nesh, forcuan ekonomitë, institucionet, ulën tensionet ndërmjet popujve dhe rritën shkëmbimet e natyrshme në të gjitha fushat. Kishte më shumë llogaridhënie, më shumë entuziazëm, më shumë besim nga qytetarët, ashtu sikurse kishte leva më të forta të BE dhe SHBA.

Sot, autoriteti i BE dhe SHBA është cënuar edhe nga marrëdhëniet korruptive që kanë ndërtuar liderët autokratë me zyrtarë të lartë të caktuar, ku rasti i McGonigal është bërë shembull i përbotshëm se si autokratët korruptojnë edhe zyrtarët më të lartë të FBI për të eleminuar opozitën politike dhe pluralizmin.

Po kështu edhe përfshirja dhe imponimi i agjendave të diplomacisë nga aktorë jo-shtetërorë, që nuk dihet se kë dhe çfarë interesash përfaqësojnë ndërsa ulen në tryeza të larta politike vendimmarrëse. Ballkani, po ashtu, nuk mund të jetë vendi ku tregtohen interesa të ngushta e afatshkurtra, si për shembull, koshi ku hidhen emigrantët e paligjshëm, sepse Ballkani nuk mund të jetë Ruanda e BE”, theksoi ai në Forumin Rajonal me temë “Ballkani dhe sfidat gjeopolitike të së sotmes dhe së ardhmes”./ CNA





Lajmet e fundit nga