web counter
LEXO PA REKLAMA!

SHKARKO APP

App Store
Google Play

Skandali tek Onkologjiku, Berisha: 600 gra me kancer gjiri nuk u mjekuan se ishte prishur aparatura

29 Qershor 2024, 20:53, Politikë CNA
Skandali tek Onkologjiku, Berisha: 600 gra me kancer gjiri nuk u mjekuan se
Sali Berisha, Kryetar i PD-së

Kryetari PD-së, Sali Berisha në fjalën e tij, mbajtur në tubimin e përnatshëm qytetar nga banesa, foli edhe njëherë për skandalin në Spitalin e Onkologjikut. Ai tha se, për sëmundjet neoplazike e gjithë Shqipëria ka vetëm 55 mijë të specializuar. Sipas tij janë 600 paciente me kancer gjiri, nuk janë mjekuar dot se është prishur aparatura dhe nuk është rregulluar më.Berisha u shpreh se

“Ajo që mediat sollën para jush në Spitalin Onkologjik, ju garantoj se ajo ndodh sot në çdo spital, në çdo shërbim. Dhe kurrë mos harroni se aksionerët më kryesorë të asaj që sot një publicist i njohur e quante Bursa e Vdekjes, aksionerë kryesorë të kësaj burse janë Edi Rama me Beqajn e tij dhe Ogertën, Korbën e Kovidit të shqiptarëve.”

Sipas kreut demokrat, sëmundjet neoplazike vijnë në shkaqet e fataliteteve të tretat në Shqipëri, por ajo çfarë është më e rëndësishme është mungesa e mjekëve që trajtojnë këtë lloj patollogjie. E gjithë Shqipëria tha ai, ka gjithsej 55 mjekë, të cilët në çdo lloj përpjekje, nuk përballojnë dot as një të katërtën e ngarkesës.

“Segmente të këtij shteti, që akoma kanë mbetur pa u shndërruar në narkoinstitucione, kanë treguar dhe kanë konstatuar në kontrollet e tyre se 600 gra me sëmundje patologjike të tilla për gjirin, për tre vjet nuk u mjekuan me brakioterapi se aparatura nuk funksiononte.”

Dhe gjitha kjo, shtoi ai ndodh vetëm në narkoshtetin e Edi Ramës dhe Ogerta Manastirliut, e Ilir Beqës, kriminelëve të pamëshirshëm./CNA





Lajmet e fundit nga