web counter
LEXO PA REKLAMA!

SHKARKO APP

App Store
Google Play

E fundit!

x

“Censusi i popullsisë, i manipuluar”/ Berisha: Rama e vonoi publikimin më shumë se 6 muaj

27 Qershor 2024, 21:23, Politikë CNA
“Censusi i popullsisë, i manipuluar”/ Berisha: Rama e vonoi
Kryetari i Partisë Demokratike, Sali Berisha

Ditën e nesërme do të publikohen të dhënat e censusit nga INSTAT.

Për këtë çështje foli mbrëmjen e kësaj të enjteje kryetari i Partisë Demokratike, Sali Berisha.

Gjatë fjalës së tij në protestën e përnatshme, Berisha evidentoi faktin se publikimi i të dhënave ka vonuar për më shumë se 6 muaj.

Ai ngriti akuzat se me urdhër të kryeministrit Edi Rama, censusi i popullsisë është manipuluar.

“Të dashur qytetarë dhe qytetare, nesër Edi Rama, Çubrilloviçi i shqiptarëve publikon të dhënat e regjistrimit të popullatës pasi ka manipuluar ato nga e para tek e fundit.

Pasi ka shtuar qindra e mijëra qytetarë që nuk janë më në Shqipëri këtë vit, as prej vitesh.

Se cili është rezultati i këtij akti, unë dua t’u informoj ju vetëm kaq se i realizuar me të njëjtën metodikë si kjo e Shqipërisë, Republika e Kosovës i ka publikuar ato brenda ditës që është regjistruar dhe qytetari i fundit në atë vend.

Sepse regjistrimi online e bënte të mundur plotësisht këtë.

Në vitin 2011, regjistrimi u bë me formularë të mbushur nga punonjësit duke takuar çdo qytetar.

Megjithatë, publikimi i tij nuk mori kurrë më shumë se tre-katër javë.

Në Serbi, regjistrimi i popullatës u publikua pas tre javësh.

Në Shqipërinë e narkoshtetit të Edvin Drogës, ky regjistrim publikohet pas nëntë muajve.

Me këtë histori mashtrimi kërkon Çubrilloviçi të maskojë krimin e tij më të shëmtuar ndaj shqiptarëve, krijimin e kushteve për largimin e tyre masiv nga Shqipëria”, theksoi Berisha./ CNA





Lajmet e fundit nga