E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Akuzat për financimin e fushatës/ Këlliçi: Çdo pagesë është transparente, sulmi pas provave në SPAK

25 Qershor 2024, 10:10, Politikë CNA

Akuzat për financimin e fushatës/ Këlliçi: Çdo

Drejtuesi politik i PD-së për Tiranën, Belind Këlliçi. Burimi, CNA

Mediat e inceneratorëve, në shërbim të kryebashkiakut të Tiranës, Erion Veliaj, së fundmi kanë sulmuar drejtuesin politik të PD-së për Tiranën, Belind Këlliçi, për sa i përket financimit të fushatës zgjedhore të vitit 2023.

Në një intervistë për CNA TV, me gazetaren Fabjona Pasho, Këlliçi thotë se këto nuk janë akuza, pasi çdo financim është transparent dhe i deklaruar në KQZ.

"Nuk janë akuza, thjesht janë bërë publike deklarimet që unë kam bërë për financimin e fushatës së vitit të kaluar, ku është gjithçka e detajuar, e depozituar brenda kuadrit dhe afateve ligjore në KQZ nga ana e ekipit tim të fushatës. Është e detajuar çdo e ardhur dhe donacion që më është ofruar në fushatë dhe çdo shpenzim që është kryer me bankë dhe faturë. Për hir të së vërtetës, famozi Carlo Bolino, i përvetësimit të 4 mijë metrave në mes të Tiranës, destinuar për gjimnaz dhe i kthyer në ngrehinë, siç është inceneratori i Elbasanit, që punon me vajguri, pak a shumë edhe media që drejton Bolino. Nga mëngjesi në darkë, linçon, fyen, shan, prodhon 'fake news'-e për opozitën dhe këdo që kritikon qeverinë dhe kryesisht kryetarin e Bashkisë Tiranë. Përveçse më ka bërë një nder Bolino këtë herë, nuk më ka bërë asnjë akuzë.

Erion Veliaj dhe Carlo Bollino

Do të ftoja çdo media, edhe ju, por edhe Bolinon dhe Bolinot e tjerë, të bëjnë një hulumtim për deklarimet që Veliaj ka bërë si kandidat në zgjedhjet e vitit të kaluar, sepse nga informacionet që unë kam, rezulton se Erion Veliaj ka deklaruar 0 të ardhura dhe shpenzime për fushatën e tij. Nëse ka shqiptar që beson se Veliaj ka shpenzuar 0 para në fushatën e kaluar, atëherë tërhiqem edhe unë. Në këtë rast, si gjithmonë, Karlo i Erionit ka bërë një autogol. Sigurisht, kur je një media që paguhesh nga inceneratori i Tiranës, kjo e faktuar nga ana ime në Parlamentin e Shqipërisë, që unë kam nxjerrë faturat dhe i kam bërë publike pagesat që Karlo Bolino ka marrë nga inceneratori i Tiranës. Kur je një medie që ushqehesh nga tenderë të shtetit, kur je një media që ushqehesh me para publike dhe financohesh nga qeveria, siç është rasti i tenderëve që ka përfituar Karlo Bolino përmes AKSHI-t dhe kompanive të tij, me një rreth interesant dhe vicioz, që është edhe i denoncuar në SPAK", shprehet ai.

Sipas Këlliçit, ky është shërbimi i radhës që këto media po i bëjnë Këlliçit, pas provave të reja të dorëzuara në SPAK.

Paradoksi i mediave/ Veliaj pasuron familjarët e bashkëshortes, “dele e zezë” bëhet Këlliçi
25 Qershor, 08:05
Këlliçi përgënjeshtron akuzat për financimin/ Janë qesharake, vijnë pas provave në SPAK për Veliajn
24 Qershor, 13:17

"U përdor ky moment, kur unë nxora për herë të parë, bëra publike dhe çova në SPAK javën e kaluar, studimin e IFC-së, që shqetëson sot Erion Veliajn dhe lidhet me inceneratorin e Tiranës. Një dokument që e kishte zhdukur Erion Veliaj nga protokolli dhe arkiva zyrtare e bashkisë. Nuk ka reshtur së gënjyeri për të paktën 6-7 vite në emër të këtij dokumenti qytetarët e Tiranës dhe gjithë Shqipërisë, duke thënë që PD-ja në vitin 2014 kishte një projekt me Bankën Botërore dhe IFC-në për të bërë përpunimin e mbetjeve në landfillin e Sharrës me 38 euro për ton dhe Erion Veliaj e kishte bërë për vetëm 19 euro/ton. Edhe kjo rezultoi një mashtrim dhe unë e depozitova në SPAK javën e kaluar dhe prandaj ka ardhur ky kundërreagim", thekson drejtuesi politik i PD-së për Tiranën.

Anëtari i kryesisë së Partisë Demokratike shprehet se do të vijojë denoncimet, pavarësisht çdo sulmi që mund t'i bëhet./ CNA