web counter
LEXO PA REKLAMA!

SHKARKO APP

App Store
Google Play

E fundit!

x

Luli qan Vulën/ Rama ja dha Saliut nga inati se unë e mund

23 Qershor 2024, 20:05, Politikë CNA
Luli qan Vulën/ Rama ja dha Saliut nga inati se unë e mund
Lulzim Basha, burimi LSA

Ish-kryeministri Sali Berisha i mbylli Lulzim Bashës dyert e rikthimit në Partinë Demokratike.

Pas deklaratës së bërë nga Berisha pasditen e kësaj të diele, ka ardhur edhe një reagim nga vetë Basha, i cili ia ka nisur vajit për vulën e PD-së.

Në një status në rrjetet sociale, Luli thotë se ish-kryeministri e mori vulën me ndihmën e kryeministrit Edi Rama, nga inati se mund ta mundë.

Ai pretendon se mes Berishës dhe Ramës ka një pazar dhe vula është përdorur si plaçkë.

“E kuptoj që Sali Berishës i ka mbetur vula në dorë dhe i duhet të rishpikë armiq të jashtëm e të brendshëm. Pazari me Ramën për t’i lënë atij pushtetin, është goditja më e rëndë ndaj demokratëve dhe shqiptarëve. Asnjë mashtrim nuk e mbulon dot këtë pazar të turpshëm.

Sot nuk ka shqiptar që nuk e di se vula e PD-së u përdor si plaçkë në pazarin e radhës mes Ramës dhe Berishës.

Berishës i duhet vula për t'i përdorur demokratët që ende i shkojnë nga pas si mburojë para drejtësisë, SHBA-së dhe Britanisë se Madhe, dhe në këmbim, Rama mban pushtetin për të shtyrë llogaridhënien për korrupsionin që ka mbërthyer për fyti Shqipërinë.

Prandaj dera e shtëpisë politike të Berishës nuk është dera e demokratëve, por e hallexhinjëve të SPAK-ut dhe të dëshpëruarve për një karrige.

Ajo nuk është dhe as nuk do të jetë dera ime dhe as rruga e demokratëve dhe shqiptarëve që duan ndryshim”, thekson ai./ CNA

Luli qan Vulën/ Rama ja dha Saliut nga inati se unë e mund





Lajmet e fundit nga