web counter
LEXO PA REKLAMA!

SHKARKO APP

App Store
Google Play

E fundit!

x

Rama i jep zemër Kombëtares/ Sot përballemi me "grupin e vdekjes", s’kemi asgjë për të humbur

24 Qershor 2024, 10:36, Politikë CNA
Rama i jep zemër Kombëtares/ Sot përballemi me "grupin e
Kryeministri Edi Rama. Foto e marrë nga rrjetet e tij sociale

Kryeministri Edi Rama ka reaguar për ndeshjen e Shqipërisë me Spanjën, e cila do të zhillohet mbrëmjen e kësaj të hëne.

Me anë të një statusi në rrjetet sociale, Rama thotë se sot Shqipëria përballet me skuadrën më të frikshme të grupit, ose siç e quan ai, “grupin e vdekjes”.

Ai deklaron se skuadra kuqezi nuk ka absolutisht asgjë për të humbur, ndërsa u sugjeron djemve të
Kombëtares të shijojnë deri në fund "Euro 2024"-ën.

Kreu i qeverisë thekson se Kombëtarja jonë do të dalë me kokën lart e me një eksperiencë shumë të çmuar në nivelet më të larta sportive.

“Forca shqipe!

Askush nuk do ta besonte me mendje - me zemër tjetër punë - që në ndeshjen e tretë të grupit në EURO2024, Shqipëria do të ishte ende në lojë e që ndërkohë do të ishte e treta, jo e fundit në atë që është quajtur botërisht si “grupi i vdekjes”.

Eksperienca shumë më e madhe e rivalëve në dy ndeshjet e para bëri të sajën kundër nesh, se përndryshe pozicioni ynë sot mund të kishte qenë edhe më i favorshëm. Po ky është futbolli dhe çdo pishman i sotëm është eksperiencë për të nesërmen.

Sot përballemi me skuadrën më të frikshme të grupit në një mision që në letër është 100% i pamundur. Por topi është i rrumbullakët dhe në darkë të 12 lojtarët kuqezinj, ata në fushë dhe lojtari ynë i 12-të në shkallët e stadiumit, një ndër më fantastikët e këtij Europiani, nuk kanë absolutisht asgjë për të humbur, po vetëm duhet të luajnë e ta shijojnë deri në fund këtë moment magjik që kanë krijuar vetë.

Cilidoqoftë rezultati i ndeshjes me Spanjën, Kombëtarja jonë e re do të dalë me kokën lart e me një eksperiencë shumë të çmuar në nivelet më të larta sportive, e cila do t’i shërbejë që të rritet, të fitojë besimin dhe personalitetin e domosdoshëm për t’u përballur me sukses në sfidat e këtyre niveleve, duke na dhuruar të tjera kënaqësi të veçanta si kjo e EURO2024-ës”, shkruan kryeministri.

Kujtojmë se përballja me Spanjën është e ndeshja e fundit e Shqipërisë në fazën e grupeve. Më parë, Kombëtarja luajti me Italinë, ku doli me një humbje, si dhe me Skocinë, ku doli me një barazim./ CNA





Lajmet e fundit nga